Foto:depositphotos.com
Ystambulda Resei men Ýkraina kelissózi bastaldy, - dep habarlaidy Ult.kz Tengrinews.kz-ke silteme jasap.
Kelissóz Túrkiia prezidenti ákimshiliginiń jumys keńsesi Dolmabahchede ótip jatyr. Jergilikti ýaqyt boiynsha saǵat 10.45-te Túrkiia, AQSh jáne Ýkraina delegatsiialary arasynda úsh jaqty kezdesý bastaldy. Kezdesýge AQSh memlekettik hatshysy Marko Rýbio, Túrkiia SIM basshysy Hakan Fidan, Ýkraina SIM basshysy Andrei Sibiga jáne Ýkraina prezidenti keńsesiniń basshysy Andrei Ermak qatysyp jatyr.
Resei, Ýkraina jáne Túrkiia delegatsiialary arasyndaǵy kelissóz jergilikti ýaqyt boiynsha saǵat 12.30-ǵa josparlanǵan. Resei delegatsiiasyn prezidenttiń kómekshisi Vladimir Medinskii basqarady. Onyń quramyna RF SIM basshysynyń orynbasary Mihail Galýzin, RF Qarýly Kúshteri Bas shtaby bas basqarmasynyń bastyǵy Igor Kostiýkov, qorǵanys ministriniń orynbasary Aleksandr Fomin kiredi.
Ýkrainanyń kelissóz tobyn qorǵanys ministri Rústem Ýmerov basqarady, oǵan taǵy 11 adam kirdi. Olardyń qatarynda Ýkraina syrtqy ister ministriniń birinshi orynbasary Sergei Kislitsa, Ýkraina qaýipsizdik qyzmeti tóraǵasynyń orynbasary Aleksandr Poklad, Ýkraina syrtqy barlaý qyzmeti tóraǵasynyń birinshi orynbasary Oleg Lýgovskii, Ýkraina Qarýly Kúshteri Bas shtaby bastyǵynyń orynbasary Aleksei Shevchenko jáne basqalary bar.
