- Jeksenbi kúni Siriiadaǵy reseilik bazaǵa bet alyp, Sochiden ushyp shyqqan soń Qara teńizge qulaǵan Tý-154 ushaǵynyń negizgi «qara jáshigi» tabyldy, dep habarlady Resei qorǵanys ministrligi.
Taiaý saǵattarda ony Máskeý mańyndaǵy RF QM ÁÁK ortalyq ǵylymi-zertteý institýtyna aparady.
«Apat aýmaǵy túni boiy toqtaýsyz tekserildi. Ushaq qulaǵan jerdi egjei-tegjeili barlaýǵa negizgi kúsh jumyldyryldy. Máskeý ýaqyty boiynsha 5.42-de jaǵalaýdan 1600 metr qashyqta 17 metr tereńdikten «Falkon» apparatymen borttyń «qara jáshigi» tabyldy», - delingen áskeri vedomstvo habarlamasynda.
Budan basqa, seisenbidegi tańerteńgi derekterge sáikes apatta qaza tapqan 12 adamnyń denesi, 156 dene bólshekteri, ushaqtyń fiýzeliaj jáne qozǵaltqysh bóligi tabyldy.
Tý-154 ushaǵy Chkalovskii ailaǵynan Siriiaǵa bet alǵan. Sochige qonyp, janarmai toltyryp, jeksenbi tańerteń apatqa ushyrady.
