Aqparat jáne qoǵamdyq damý ministri Darhan Qydyráli Májilistiń jalpy otyrysynan keiin kýlýarda jýrnalisterdiń suraǵyna jaýap berdi, dep habarlaidy "Ult aqparat" Baq.kz portalyna silteme jasap.
"Ýkraina men Resei arasynda soǵys bolyp jatyr. Ony siz bilesiz. Qazaqstandyqtardy Resei propagandasynan qalai qorǵaimyz? Reseilik telearnalary shekteý qoiý kerek pe? Búginde Qazaqstannyń aqparattyq qaýipsizdigin qalai qorǵaýǵa bolady?" – dep surady jýrnalisterdiń biri ministrden.
"Árine, aqparattyq qaýipsizdik - basym baǵyttarymyzdyń biri. Biraq biz olardy tek sottyń úkimimen ǵana shektei alamyz. Osyǵan bailanysty azamattarymyzdyń shaǵymy men sot úkimi bolsa, biz ony oryndaimyz. Zań buzylǵan jaǵdaida sottyń sheshimi bolsa, biz ony oryndaimyz. Qazir jalpy monitoring jasap otyrmyz. Buǵan qatysty kóptegen másele Syrtqy ister ministrliginiń quzyretinde, - dep jaýap berdi Darhan Qydyráli.
Ministr Qazaqstan azamattarynyń durys aqparat alýy mańyzdy ekenin atap ótti. Onyń aitýyna qaraǵanda, ministrlik óz betinshe shekteýmen ainalyspaidy.
"Jalpy qazir azamattardyń pikirin kórip otyrmyz. Monitoring júrgizip jatyrmyz. Al shekteýdi sottyń sheshimi bolsa, qarastyramyz", - dep tolyqtyrdy ol.
