اقپارات جەنە قوعامدىق دامۋ مينيسترٸ دارحان قىدىرەلٸ مەجٸلٸستٸڭ جالپى وتىرىسىنان كەيٸن كۋلۋاردا جۋرناليستەردٸڭ سۇراعىنا جاۋاپ بەردٸ, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
"ۋكراينا مەن رەسەي اراسىندا سوعىس بولىپ جاتىر. ونى سٸز بٸلەسٸز. قازاقستاندىقتاردى رەسەي پروپاگانداسىنان قالاي قورعايمىز? رەسەيلٸك تەلەارنالارى شەكتەۋ قويۋ كەرەك پە? بٷگٸندە قازاقستاننىڭ اقپاراتتىق قاۋٸپسٸزدٸگٸن قالاي قورعاۋعا بولادى?" – دەپ سۇرادى جۋرناليستەردٸڭ بٸرٸ مينيستردەن.
"ەرينە, اقپاراتتىق قاۋٸپسٸزدٸك - باسىم باعىتتارىمىزدىڭ بٸرٸ. بٸراق بٸز ولاردى تەك سوتتىڭ ٷكٸمٸمەن عانا شەكتەي الامىز. وسىعان بايلانىستى ازاماتتارىمىزدىڭ شاعىمى مەن سوت ٷكٸمٸ بولسا, بٸز ونى ورىندايمىز. زاڭ بۇزىلعان جاعدايدا سوتتىڭ شەشٸمٸ بولسا, بٸز ونى ورىندايمىز. قازٸر جالپى مونيتورينگ جاساپ وتىرمىز. بۇعان قاتىستى كٶپتەگەن مەسەلە سىرتقى ٸستەر مينيسترلٸگٸنٸڭ قۇزىرەتٸندە, - دەپ جاۋاپ بەردٸ دارحان قىدىرەلٸ.
مينيستر قازاقستان ازاماتتارىنىڭ دۇرىس اقپارات الۋى ماڭىزدى ەكەنٸن اتاپ ٶتتٸ. ونىڭ ايتۋىنا قاراعاندا, مينيسترلٸك ٶز بەتٸنشە شەكتەۋمەن اينالىسپايدى.
"جالپى قازٸر ازاماتتاردىڭ پٸكٸرٸن كٶرٸپ وتىرمىز. مونيتورينگ جٷرگٸزٸپ جاتىرمىز. ال شەكتەۋدٸ سوتتىڭ شەشٸمٸ بولسا, قاراستىرامىز", - دەپ تولىقتىردى ول.
