Aýǵanstanda "Taliban" qozǵalysy Ózbekstanmen, Tájikstanmen shekaralas aýmaqty basyp aldy, biraq kórshi elderge shabýyl jasamaýǵa ýáde berdi. Bul týraly Reseidiń qorǵanys ministri Sergei Shoigý Búkilreseilik jastardyń bilim forýmynda málimdedi.
Shoigýdyń sózinshe, tálipter shekarany buzyp, kórshi elderge shabýyl jasaityndai destrýktivti is-áreket jasamaidy.
Taiaýda ǵana tálipter Qundyz aýdanyn baqylaýǵa alǵanyn eske salǵan Shoigý Resei Aýǵanstannan keletin qaýipten qorǵaný úshin Ortalyq Aziia armiiasyn modernizatsiialaýǵa kómektesetinin jetkizdi.
"Osyǵan deiin Aýǵanstannan esirtki tasymaly, terroristerdiń Ózbekstan, Tájikstan, Qyrǵyzstan aýmaǵyna ótý qaýpi bolǵan. Endi qazir bizdiń odaqtastarymyz bárine daiyn bolý úshin olarǵa qoldan kelgenshe kómektesemiz" degen Resei qorǵanys ministri.
Ótken aptada tálipter Aýǵanstannyń alty provintsiiasyn basyp alǵany habarlanǵan.
