اۋعانستاندا "تاليبان" قوزعالىسى ٶزبەكستانمەن, تەجٸكستانمەن شەكارالاس اۋماقتى باسىپ الدى, بٸراق كٶرشٸ ەلدەرگە شابۋىل جاساماۋعا ۋەدە بەردٸ. بۇل تۋرالى رەسەيدٸڭ قورعانىس مينيسترٸ سەرگەي شويگۋ بٷكٸلرەسەيلٸك جاستاردىڭ بٸلٸم فورۋمىندا مەلٸمدەدٸ.
شويگۋدىڭ سٶزٸنشە, تەلٸپتەر شەكارانى بۇزىپ, كٶرشٸ ەلدەرگە شابۋىل جاسايتىنداي دەسترۋكتيۆتٸ ٸس-ەرەكەت جاسامايدى.
تاياۋدا عانا تەلٸپتەر قۇندىز اۋدانىن باقىلاۋعا العانىن ەسكە سالعان شويگۋ رەسەي اۋعانستاننان كەلەتٸن قاۋٸپتەن قورعانۋ ٷشٸن ورتالىق ازييا ارميياسىن مودەرنيزاتسييالاۋعا كٶمەكتەسەتٸنٸن جەتكٸزدٸ.
"وسىعان دەيٸن اۋعانستاننان ەسٸرتكٸ تاسىمالى, تەرروريستەردٸڭ ٶزبەكستان, تەجٸكستان, قىرعىزستان اۋماعىنا ٶتۋ قاۋپٸ بولعان. ەندٸ قازٸر بٸزدٸڭ وداقتاستارىمىز بەرٸنە دايىن بولۋ ٷشٸن ولارعا قولدان كەلگەنشە كٶمەكتەسەمٸز" دەگەن رەسەي قورعانىس مينيسترٸ.
ٶتكەن اپتادا تەلٸپتەر اۋعانستاننىڭ التى پروۆينتسيياسىن باسىپ العانى حابارلانعان.
