Resei Syrtqy ister ministrligi Memlekettik dýma depýtaty Pavel Shperovtyń shekarany qaita qaraý týraly aitqanyna qatysty pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Keiingi kezde Ǵalamtorda Qazaqstan men Resei qarym-qatynasy qyzý talqylanyp jatqanyna qatysty aitarymyz - Resei Federatsiiasynyń syrtqy saiasat máseleleri boiynsha Resei prezidenti, Resei Úkimetiniń Tóraǵasy, Syrtqy ister ministri jáne olardyń ókiletti tulǵalary ǵana resmi málimdeme jasai alady. Bizdiń strategiialyq seriktesimiz jáne Ujymdyq qaýipsizdik týraly shart uiymy(UQShU) boiynsha odaqtasymyz Qazaqstanmen aradaǵy qazirgi qarym-qatynas negizi 1992 jyldyń 25 mamyrynda Resei Federatsiiasy men Qazaqstan Respýblikasynyń Dostyq, yntymaqtastyq jáne ózara kómek týraly shartyna qol qoiylǵan kezde salynǵan. Bul qarym-qatynastar 2013 jyldyń 11 qarashasynda Resei Federatsiiasy men Qazaqstan Respýblikasy arasynda HHI ǵasyrdaǵy izgi kórshilestik jáne odaqtastyq týraly shartyna qol qoilyǵannan keiin nyǵaia tústi", - delingen Reseidiń syrtqy saiasi vedomstvonyń resmi habarlamasynda.
Eske salaiyq, BAQ-ta Reseidiń Memlekettik dýma depýtaty Pavel Shperovtyń shekarany qaita qaraý týraly sózi jariialanǵan bolatyn. Onda Qazaqstanǵa jer boiynsha talaptar bary aitylǵan edi.
Munyń aldynda QR SIM baspasóz qyzmetiniń jetekshisi Ánýar Jainaqov Tengrinews.kz tilshisine Qazaqstan Resei Federatsiiasynyń Memlekettik dýma depýtaty Pavel Shperovtyń aitqanyna qatysty alańdaýshylyq bildiretinin málimdegen.
Al qazaqstandyq saiasatker Erlan Qarin mundai sózderdi qatań tiyp otyrý kerek degen bolatyn.
