Qazaqstannyń Reseidegi elshisi Imanǵali Tasmaǵambetov Resei syrtqy ister ministrligi tarapynan "Halyqaralyq yntymaqtastyqqa qosqan úlesi úshin" tósbelgisimen marapattaldy, dep habarlady RF SIM baspasóz qyzmeti. Bul týraly sputniknews.kz jazdy.
Marapat Tasmaǵambetovke 11 jeltoqsan kúni RF syrtqy ister ministriniń orynbasary Grigorii Karasinmen kezdesý barysynda usynyldy.
"Resei Federatsiiasy syrtqy ister ministriniń sheshimimen yntymaqtas Qazaqstannyń elshisi qos el arasyndaǵy strategiialyq jáne odaqtyq qarym-qatynasty damytýǵa qosqan úlesi, mádeni dialogty keńeitýi, sondai-aq ortaq integratsiialyq birlestikter aiasynda ózara yntymaqtastyǵy úshin osy tósbelgimen marapattalady", — delingen habarlamada.
Aita ketsek, Imanǵali Tasmaǵambetov 2017 jyly 3 aqpanda Qazaqstannyń Resei Federatsiiasyndaǵy tótenshe ári ókiletti elshisi bolyp taǵaiyndalǵan bolatyn. Oǵan deiin vitse-premer qyzmetin atqardy.
