Resei Syrtqy ister ministrligi "Dojd" telearnasyn "shetel agentteri" tizimine qosty, óitkeni bul arna ózge buqaralyq aqparat quraldary – "shetel agentteri" daiyndaǵan materialdardy taratqan. "Bul týraly Adam quqyǵy keńesiniń múshelerimen kezdesýde Resei Ádilet ministrliginiń ókili Roman Tsyganov aitty" dep jazady osy kezdesýge qatysqan keńes múshesi Eva Merkacheva.
Onyń jazýyna qaraǵanda, Resei Ádilet ministrliginiń ókili "Dojd" telearnasyn shetel agentteri reestrine qosý týraly usynys Resei baqylaý komitetinen (Roskomnadzor) túskenin habarlaǵan. Sheneýnik "shetel agentteri" qatarynda "Amerika daýysy", "Nastoiashee vremia", Sibir. Realii, "Medýzany" ataǵan.
Eva Merkachiovanyń sózinshe, Resei qarjy monitoringi "Dojd" telearnasy shetelden aqsha aldy degen habar bergen. Qandai qarjy ekeni belgisiz. Ádilet ministrliginiń ókili Tsyganovqa qoiylǵan suraqtardan birneshe túiin jasaýǵa bolady: jýrnalist shetel uiymy tólegen baspasóz-týrǵa, uiymdastyrýshylardyń ózderi tólegen halyqaralyq konferentsiiaǵa barsa "shetel agenti" bolyp sanalýy múmkin.
Resei Ádilet ministrligi "Dojd" telearnasyn shetel agenti tizimine nege qosqanyn resmi túrde túsindirgen joq. Resei zańy boiynsha, "shetelden qarjy alatyn jáne shetel agenti sanalatyn BAQ-tarǵa material jazatyn tulǵa "shetel agenti" bolyp sanalýy múmkin.
Resei prezidentiniń baspasóz hatshysy Dmitrii Peskovtyń sózinshe, "Dojd" telearnasyna bailanysty sheshimge Kremldiń qatysy joq, bul mekeme shetel agentteri tizimine kimdi qosatynyn ózi biledi".
20 tamyzda Resei Ádilet ministrligi "Dojd" telearnasy men Latviiada tirkelgen Istories fonds ("Mańyzdy tarihtar") zańdy tulǵasyn "shetel agenti" tizimine qosqan. Sóitip bul tizimdegi jeke tulǵalar men zańdy tulǵalar 43-ke jetken. Onyń ishinde Azat Eýropa/Azattyq radiosy mediakorporatsiiasy orys qyzmetiniń birneshe orys tildi jobasy men onymen áriptes jýrnalister bar.
RSE/RS "Keibir buqaralyq aqparat quraldaryn shetel agentteri dep sanaý týraly" zańdy baspasózge qysym jasaýǵa analǵan dep sanaidy jáne onyń qoldanýdyń zańdylyǵy qanshalyqty ekenin Adam quqyqtary jónindegi Eýropa sottary men Resei sottarynda aityp keledi.
"Dojd" telearnasy da bilik sheshimimen kelispeidi. Shetel agenti tizimine qosylǵan BAQ-tar me jeke tulǵalar buǵan deiin de birneshe ret Ádilet ministrliginiń sheshimi ústinen shaǵym túsirgenimen nátije shyǵara almaǵan.
