رەسەي سىرتقى ٸستەر مينيسترلٸگٸ "دوجد" تەلەارناسىن "شەتەل اگەنتتەرٸ" تٸزٸمٸنە قوستى, ٶيتكەنٸ بۇل ارنا ٶزگە بۇقارالىق اقپارات قۇرالدارى – "شەتەل اگەنتتەرٸ" دايىنداعان ماتەريالداردى تاراتقان. "بۇل تۋرالى ادام قۇقىعى كەڭەسٸنٸڭ مٷشەلەرٸمەن كەزدەسۋدە رەسەي ەدٸلەت مينيسترلٸگٸنٸڭ ٶكٸلٸ رومان تسىگانوۆ ايتتى" دەپ جازادى وسى كەزدەسۋگە قاتىسقان كەڭەس مٷشەسٸ ەۆا مەركاچەۆا.
ونىڭ جازۋىنا قاراعاندا, رەسەي ەدٸلەت مينيسترلٸگٸنٸڭ ٶكٸلٸ "دوجد" تەلەارناسىن شەتەل اگەنتتەرٸ رەەسترٸنە قوسۋ تۋرالى ۇسىنىس رەسەي باقىلاۋ كوميتەتٸنەن (روسكومنادزور) تٷسكەنٸن حابارلاعان. شەنەۋنٸك "شەتەل اگەنتتەرٸ" قاتارىندا "امەريكا داۋىسى", "ناستوياششەە ۆرەميا", سيبير. رەاليي, "مەدۋزانى" اتاعان.
ەۆا مەركاچيوۆانىڭ سٶزٸنشە, رەسەي قارجى مونيتورينگٸ "دوجد" تەلەارناسى شەتەلدەن اقشا الدى دەگەن حابار بەرگەن. قانداي قارجى ەكەنٸ بەلگٸسٸز. ەدٸلەت مينيسترلٸگٸنٸڭ ٶكٸلٸ تسىگانوۆقا قويىلعان سۇراقتاردان بٸرنەشە تٷيٸن جاساۋعا بولادى: جۋرناليست شەتەل ۇيىمى تٶلەگەن باسپاسٶز-تۋرعا, ۇيىمداستىرۋشىلاردىڭ ٶزدەرٸ تٶلەگەن حالىقارالىق كونفەرەنتسيياعا بارسا "شەتەل اگەنتٸ" بولىپ سانالۋى مٷمكٸن.
رەسەي ەدٸلەت مينيسترلٸگٸ "دوجد" تەلەارناسىن شەتەل اگەنتٸ تٸزٸمٸنە نەگە قوسقانىن رەسمي تٷردە تٷسٸندٸرگەن جوق. رەسەي زاڭى بويىنشا, "شەتەلدەن قارجى الاتىن جەنە شەتەل اگەنتٸ سانالاتىن باق-تارعا ماتەريال جازاتىن تۇلعا "شەتەل اگەنتٸ" بولىپ سانالۋى مٷمكٸن.
رەسەي پرەزيدەنتٸنٸڭ باسپاسٶز حاتشىسى دميتريي پەسكوۆتىڭ سٶزٸنشە, "دوجد" تەلەارناسىنا بايلانىستى شەشٸمگە كرەملدٸڭ قاتىسى جوق, بۇل مەكەمە شەتەل اگەنتتەرٸ تٸزٸمٸنە كٸمدٸ قوساتىنىن ٶزٸ بٸلەدٸ".
20 تامىزدا رەسەي ەدٸلەت مينيسترلٸگٸ "دوجد" تەلەارناسى مەن لاتۆييادا تٸركەلگەن Istories fonds ("ماڭىزدى تاريحتار") زاڭدى تۇلعاسىن "شەتەل اگەنتٸ" تٸزٸمٸنە قوسقان. سٶيتٸپ بۇل تٸزٸمدەگٸ جەكە تۇلعالار مەن زاڭدى تۇلعالار 43-كە جەتكەن. ونىڭ ٸشٸندە ازات ەۋروپا/ازاتتىق راديوسى مەدياكورپوراتسيياسى ورىس قىزمەتٸنٸڭ بٸرنەشە ورىس تٸلدٸ جوباسى مەن ونىمەن ەرٸپتەس جۋرناليستەر بار.
رسە/رس "كەيبٸر بۇقارالىق اقپارات قۇرالدارىن شەتەل اگەنتتەرٸ دەپ ساناۋ تۋرالى" زاڭدى باسپاسٶزگە قىسىم جاساۋعا انالعان دەپ سانايدى جەنە ونىڭ قولدانۋدىڭ زاڭدىلىعى قانشالىقتى ەكەنٸن ادام قۇقىقتارى جٶنٸندەگٸ ەۋروپا سوتتارى مەن رەسەي سوتتارىندا ايتىپ كەلەدٸ.
"دوجد" تەلەارناسى دا بيلٸك شەشٸمٸمەن كەلٸسپەيدٸ. شەتەل اگەنتٸ تٸزٸمٸنە قوسىلعان باق-تار مە جەكە تۇلعالار بۇعان دەيٸن دە بٸرنەشە رەت ەدٸلەت مينيسترلٸگٸنٸڭ شەشٸمٸ ٷستٸنەن شاعىم تٷسٸرگەنٸمەن نەتيجە شىعارا الماعان.
