Saýda jáne integratsiia ministrligi Resei arqyly Ýkrainaǵa eksporttalatyn taýarlar shekteýine bailanysty Qazaqstan Respýblikasy men Resei Federatsiiasy arasyndaǵy kelissóz týraly aqparat taratty. Bul jóninde ministrliktiń baspasóz qyzmeti habarlady.
«Resei Federatsiiasynyń birqatar qazaqstandyq taýar tranzitine tyiym salýy taýarlar tranzitiniń bostandyǵyn shektei otyryp, Eýraziialyq ekonomikalyq odaq týraly sharttyń negizgi qaǵidattarynyń bedelin túsiredi. Reseidiń tranzitti shekteýi Qazaqstannyń kómir ónerkásibiniń ekonomikalyq ahýalyna keri áser etedi. Aldyn ala esep boiynsha, kómir jetkizýdiń qysqarýynan qazaqstandyq kómirshilerdiń ai saiynǵy shyǵyny 11 mln AQSh dollarynan asty» delingen habarlamada.
Shildede qazaqstandyq tarap RF aýmaǵy arqyly Ýkrainaǵa 103,5 myń tonna kólemindegi tranzit boiynsha jospardy baiandaǵan. Resei tarapy 60,2 myń tonna kóleminde kvotany maquldaǵan. Tamyzda 240,8 myń tonna suratylǵan, 86,5 myń tonna maquldanǵan. Qyrkúiekte ótinim boiynsha 189,7 myń tonna bolsa, reseilik tarap 86,5 myń tonnaǵa deiin qysqartqan. Qazanda 191,9 myń tonnaǵa ótinim jasalsa, RF 86,5 myń tonnany maquldaǵan.
Bul rette tipti osy tómendetilgen kólemniń kesh alynýy ýkrainalyq satyp alýshylardyń qazaqstandyq taýardan bas tartýyna alyp keldi.
Kelisimshartta kómirdi jóneltý stantsiialarynan satyp alý týraly satyp alýshylardyń mindetteri jii kelisiledi. Kelisilgen tranzittiń sany týraly aqparattyń kesh berilýi aldyn ala josparlaýǵa múmkindik bermeidi. Bul jetkizý merzimin buzyp, kelisimsharttan bas tartýǵa ákep soqty.
«Odan bólek, vagondardy Resei temir joldarynyń negizsiz toqtatý faktileri oryn alǵan. Mysaly, shildede «ArselorMittal Temirtaý» AQ 80,4 myń tonna tranzitke ótinim bergen. Reseilik tarap 55,2 myń tonna tranzit kólemine kelisim bergen, alaida keshirek bul kólem úsh ese (!!!) azaitylǵan jáne 13,6 myń tonnany qurǵan. Saldarynan 189 vagondy «iesiz» sipatymen Resei-Ýkraina shekarasy mańynda RTD AAQ toqtatqan. Osylaisha, Qazaqstan ýkrainalyq áriptesterine tek shilde-qyrkúiekte ǵana 340 myń tonnaǵa jýyq taýardy jetkizbegen» deidi ministrlik.
Sonymen qatar, QR Saýda jáne integratsiia ministri Baqyt Sultanov aitqandai, «usynylǵan mólsher qazaqstandyq eksporttaýshylardyń suranysyn tolyq kólemde jappaidy».
«Qazaqstandyq eksporttaýshylar qarashaǵa RTD Ýkrainaǵa 200 myń tonnadan astam (204.61 myń tonna) tranzitke ótinim berdi. Resei tarapy bir jaqty tártippen eksportymyzdy shektep otyr, bizdiń oiymyzsha, bul - kedergi» - dep atap ótti QR SIM basshysy.
«Biz ekijaqty formatta siiaqty, sondai-aq EAEO alańynda Resei tarapymen kelissózdi jalǵastyramyz. Eýraziialyq ekonomikalyq odaq barlyq qatysýshylarǵa teń quqyly shartqa kepildik beredi. Onyń ishinde úshinshi elderge bizdiń taýarlardyń erkin tranzitin qamtamasyz etý de bar. EAEO boiynsha áriptesterimizdiń is-áreketi basqa eldermen ekonomikalyq bailanystarǵa bóget bolmaýy tiis», - deidi Baqyt Sultanov.
Shekteýdi joiý máselesi Qazaqstan-Resei úkimetaralyq komissiiasynyń sheginde qaraldy, ol 15-16 qazanda Nur-Sultan qalasynda ótti.
Búgingi kelissóz nátijesinde Qazaqstan tarapy tranzittiń ruqsat etilgen kólemin aiyna 140 myń tonnaǵa deiin ulǵaitýǵa múmkindik aldy.
