Resei qorǵanys ministrligi Arhangelsk oblysyndaǵy Plesetsk ǵarysh ailaǵynda "Sarmat" qurlyqaralyq ballistikalyq zymyrany (QBZ) sátti ushyrylǵanyn habarlady, - dep habarlaidy Tengrinews.kz tilshisi RIA Novostige silteme jasap.
Vedomstvo bul memlekettik synaq baǵdarlamasyndaǵy alǵashqy ushyrylym ekenin naqtylady.
"Ushyrý tapsyrmalary tolyq kólemde oryndaldy. Barlyq kezeńde jobalyq sipattamalar rastaldy. Oqý-jattyǵý oqtumsyqtary Kamchatka túbegindegi Kýra poligonyndaǵy belgilengen aýmaqqa keldi", - dedi Reseidiń áskeri vedomstvo ókilderi.
Synaqtar, press-relizge sáikes, ony jasaý kezinde belgilengen "shemalyq-qurastyrý jáne tehnikalyq sheshimderdiń durystyǵyn baǵalaýǵa múmkindik beredi".
"Sarmat" synaqtan ótkennen keiin strategiialyq Zymyran kúshteri quramyna paidalanýǵa beriledi dep kútiledi. Krasnoiarsk mańyndaǵy Ýjýr zymyran quramasynyń bas polki keshendermen jabdyqtalady.
"Sarmat" - strategiialyq zymyran júiesi. Resei qorǵanys vedomstvosy ókilderiniń aitýynsha, bir zymyrannyń salmaǵy 200 tonnadan asady. Keshen Resei Federatsiiasynyń strategiialyq zymyran kúshterindegi "Voevoda" zymyrandaryn almastyrady.
"Bul shyn máninde, biregei qarý Qarýly Kúshterimizdiń jaýyngerlik áleýetin nyǵaitady. Reseidiń qaýipsizdigin syrtqy qaýipterden senimdi túrde qamtamasyz etedi", - dedi Resei prezidenti Vladimir Pýtin synaqty tamashalaý kezinde.
