Reseilik ǵarysh baǵdarlamasynyń jetekshisi Dmitrii Rogozin Máskeýdiń Halyqaralyq ǵarysh stansasynan shyǵatynyn málimdedi. Ol muny Ýkrainaǵa basyp kirýge bailanysty salynǵan sanktsiialarmen bailanystyrdy, dep habarlaidy Ulysmedia.kz.
“Sheshim qabyldanyp qoiǵan, biz bul týraly ashyq aitýǵa mindetti emespiz. Men bir ǵana nárseni aita alamyn - óz mindettemelerimizge sáikes biz seriktesterimizdi HǴS-taǵy jumysymyzdyń aiaqtalǵany týraly bir jyldyq eskertý arqyly habardar etemiz”, - dep keltiredi Rogozinniń sózin Bloomberg.
Buǵan deiin Rogozin AQSh, Eýroodaq jáne Kanada reseilik ǵarysh salasymen bailanysty bizneske qarsy sanktsiialardy alyp tastamasa, reseilik missiiany toqtatamyz dep eskertken.
