Kaspii mańy memleketteriniń besinshi sammitinde Resei Prezidenti Vladimir Pýtin teńizdiń quqyqtyq mártebesi týraly konventsiiaǵa qatysty pikir bildirdi, dep habarlaidy QazAqparat.
«Konsensýs pen múddelerdi ózara eskere otyryp, zamanaýi ári teńdestirilgen halyqaralyq qujat, iaǵni konventsiia ázirlendi. Konventsiia qajetti jikteý sharalaryn, kemeniń júzýi men balyq aýlaý rejimderin aiqyn reglamentteidi, qatysýshy elderdiń áskeri-saiasi ózara is-qimylynyń ustanymdaryn belgileidi. Sonymen qatar, Kaspiidi tek beibit maqsattarda paidalanýǵa kepildik berilgen», - dedi RF basshysy.
Budan bólek ol Reseidiń Kaspii mańy elderimen saýda-sattyq kólemi artyp kele jatqanyn, 2017 jyly syrtqy saýda ainalymy 22 paiyzǵa, biylǵy qańtar-mamyrda 10 paiyzdan astam óskenin tilge tiek etti.
Munymen qosa, RF basshysy tsifrlyq ekonomikaǵa, týrizmdi damytýǵa nazar aýdarýǵa shaqyrdy.
«Bizde krýizdik kemeler salynýda, olar Kaspii teńizi jaǵalaýyndaǵy barlyq elderge saparlai alady. Meniń oiymsha, bul baǵyttaǵy sharalar bizdiń halyqtardy jaqyndata alady», - dedi Vladimir Pýtin.
