Foto: Ashyq derekkózden
Qazaqstan tarapy geosaiasy ahýalǵa bailanysty Resei naryǵynan ketken 362 sheteldik kompaniiamen kelissózder júrgizip jatyr, dep málimdedi Syrtqy ister ministriniń orynbasary Almas Aidarov Ortalyq kommýnikatsiialar qyzmeti brifinginde. Bul týraly Sputnik Qazaqstan habarlady.
Qazirgi tańda 62 kompaniia óz kásibin Qazaqstanda júrgizetin boldy.
"Resei ekonomikasyna qatysty is-qimyldar men sanktsiialar jariialanǵannan beri 362 kompaniiany anyqtadyq, olar Reseide naryǵynda qyzmetterin toqtatý týraly ashyq derekkózderde jariialaǵan. 362 kompaniia – bul óz qyzmetin Reseide júrgizgen jáne biz qyzyǵýshylyq tanytyp otyrǵan sheteldik kompaniialar. Naýryz aiynan bastap osy brendterdiń bas kompaniialaryna Qazaqstanǵa shyǵý týraly usynys jasadyq. Búgingi tańda 62 kompaniia Qazaqstandy óz biznesterin damytatyn oryn etýge daiyn ekendigin aityp, oń jaýap berdi", – dep habarlady Ortalyq kommýnikatsiia qyzmetiniń brifinginde Almas Aidarov.
Kelisimge kelgen 62 kompaniianyń qatarynda avstraliialyq Fortescue kompaniiasy, elektrondyq basqarý jáne avtomattandyrý júielerin shyǵaratyn amerikandyq Honeywell bar. Sondai-aq TikTok ta Qazaqstanda óńirlik keńse ashty, enriver óz keńsesi men frantsýzdyq Alstom servistik ortalyqtardy Qazaqstanǵa kóshiredi.
Almas Aidarov targetteletin kompaniialardyń tizimi tolyqtyrylyp jatqanyn atap ótti. Alaida keibir sheteldik kompaniialar usynystan birden bas tartyp nemese Qazaqstannyń damý úrdisin baqylaityndyqtaryn aitqan.
Onyń sózinshe, Qazaqstanda qyzmetin jalǵastyratyn sheteldik kompaniialar úshin arnaiy jaǵdai jasalmaidy, olar Qazaqstannyń jalpyǵa birdei zańymen jumys isteidi.
