Foto: Syrtqy ister ministrligi
Qazaqstan Resei men Ýkrainany jaǵdaidy qalpyna keltirý úshin baiypty dialogqa shaqyrady. Bul týraly QR Syrtqy ister ministrliginiń resmi ókili Aibek Smadiiarov aitty, dep habarlaidy QazAqparat agenttigi.
«Qazirgi álem halyqaralyq jaǵdaidyń kúrdeli shielenisýiniń qaýipti kezeńin bastan keshýde, onda túiindi jahandyq máselelerdi sheshýdiń qarama-qaishylyqty tásilderi men sanktsiialyq qysym ádisteri aldyńǵy qatarǵa shyqty. Memlekettik shekaralardy qaita formattaý júrip jatyr, aýmaqtyq daýlar shielenisip, buryn «muzdatylǵan» qaqtyǵystar qaitadan qyza túsýde», - dedi ol ministrliktiń osy jylǵy jumysyn qorytyndylaýǵa arnalǵan baspasóz máslihatynda.
Onyń atap ótýinshe, Ýkraina daǵdarysy Resei men Batys arasyndaǵy geosaiasi shielenistiń jańa kezeńine ákelgen eń úlken synaq bolyp tur.
«Bir kezderi jaqyn, baýyrlas elder arasyndaǵy áskeri qaqtyǵys osy halyqtardyń barlyq dostaryn qatty alańdatady jáne ókinishin týdyrady. Biz dástúrli túrde qarsylas taraptardy jaǵdaidy qalpyna keltirý úshin baiypty dialog bastaýǵa shaqyramyz», - dedi Aibek Smadiiarov.
