Bes saǵatqa sozylǵan Resei-Ýkraina kelissózderi aiaqtaldy, Bul habardy TASS agenttigi jariialady, dep habarlaidy QazAqparat.
«Aiaqtaldy», - dedi TASS agenttiniń derekkózi. Kezdesýge qatysýshylar jiyn qorytyndysy boiynsha BAQ-qa pikir beredi dep kútilýde.
Resei delegatsiiasyn RF prezidentiniń kómekshisi Vladimir Medinskii bastap keldi. Onyń quramynda qorǵanys jáne syrtqy ister ministrleriniń orynbasarlary Aleksandr Fomin men Andrei Rýdenko, Memlekettik dýmanyń Halyqaralyq ister jónindegi komitetiniń basshysy Leonid Slýtskii bar.
Ýkraina tarapynda eldiń qorǵanys ministri Aleksei Reznikov, Prezident keńsesi basshysynyń keńesshisi Mihail Podoliak, «Slýga naroda» bileýshi partiiasy fraktsiiasynyń basshysy David Arahamiia, Donbastaǵy jaǵdaidy retteý boiynsha bailanys tobynyń ýkrain delegatsiiasy basshysynyń birinshi orynbasary Andrei Kostin, depýtat Rústem Ýmerov jáne syrtqy ister ministriniń orynbasary Nikolai Tochitskii bar.
Buǵan deiin V. Medinskii Resei delegatsiiasy Ýkraina tarapymen kelisimderge qol jetkizý úshin qansha ýaqyt qajet bolsa, sonsha kelissóz júrgizýge daiyn ekenin aitqan edi. Sondai-aq, ol ótken túni kezdesýdiń birneshe ret aýysqanyn, onyń ornyn qaita kelisip, nátijesinde bastapqy nusqa – Ýkraina shekarasyna jaqyn Gomel oblysy qaldyrylǵanyn aitty.
