Qazaqstanǵa jetkiziletin taýyq eti ónimderinen gigienalyq normativter men tehnikalyq reglamentterdiń talaptary buzylǵany anyqtaldy, dep habarlaidy Qoǵamdyq densaýlyq saqtaý komitetiniń resmi saity.
QR DSM Qoǵamdyq densaýlyq saqtaý komiteti ónimniń qaýipsizdigine monitoring júrgizý sheńberinde myna kásiporyndar talaptardy buzǵanyn anyqtady:
- «Magnitogorskii ptitsevodcheskii kompleks «Broilernoe proizvodstvo» JShQ (Resei Federatsiiasy) - sorpa jiyntyǵynyń synamalarynda salmonella (Salmonella S toby) tekti bakteriialar anyqtaldy (balapan-broiler etinen jasalǵan jartylai fabrikattar);
- «Smolevichi Broiler» AAQ (Belarýs Respýblikasy) - balapan-broiler «Miks» qus etinen jasalǵan jartylai fabrikat synamalarynda mikrobiologiialyq kórsetkishter boiynsha sáikes emestikti: file, san, qanaty;
- «SPK Kýrnikov» JShQ (Resei Federatsiiasy) - «Natýralnyi» qus etinen jasalǵan týralǵan et synamalarynyń mikrobiologiialyq kórsetkishteri boiynsha sáikes emestikti anyqtaý.
Qazirgi ýaqytta saýda obektilerinen qaýipti ónimdi alyp tastaý boiynsha sharalar, sondai-aq ótkizýshilerge qatysty ákimshilik sipattaǵy sharalar qabyldanýda.
Bul rette, Komitet buzýshylyqtardyń týyndaýyna yqpal etetin sebepterdi anyqtaýǵa baǵyttalǵan birqatar epidemiiaǵa qarsy is-sharalardy júrgizedi.
Dúken sórelerinde sáikes kelmeitin ónimder anyqtalǵan jaǵdaida jazbasha nemese 8 /7172/ 74-27-04 nómiri boiynsha Komitetke jáne onyń aýmaqtyq departamentterine júginýge bolady (ár óńirdiń QDSD-nyń bailanys derekteri aýmaqtyq departamentter bóliginde kooz.dsm.gov.kz/ru saitynda kórsetilgen).
