Qazaqstannyń Resei men Belarýstiń odaǵyna kirý jospary joq. Memleket basshysy Qasym-Jomart Toqaev Reseidiń «Komsomolskaia pravda» gazetine bergen suhbatynda osyndai pikir bildirdi, dep habarlaidy QazAqparat.
«Qazaqstan Reseimen jáne Belarýspen ekijaqty formatta da, integratsiialyq birlestikter (EAEO, UQShU, TMD) aiasynda da tyǵyz jumys júrgizip keledi. Resei men Belarýs siiaqty Odaqtas memlekettiń quramyna qosylý bizdiń josparymyzda joq. Joǵaryda atalǵan uiymdar aiasynda integratsiiany odan ári damytý basym baǵytymyz bolyp qala beredi» ,— dedi suhbatta Memleket basshysy.
Budan bólek, Prezident Eýraziialyq Ekonomikalyq Odaq áleýetin ekonomikalyq odaq retinde kúsheitýge múddeli ekenin atap ótedi.
«Eýraziialyq Ekonomikalyq Odaqtyń áleýetin tek ekonomikalyq odaq retinde kúsheitýge múddelimiz. Kooperatsiialyq bailanystardy damytý, taýarlardyń, kórsetiletin qyzmetterdiń jáne jumys kúshiniń ortaq naryǵyn qurý, atalǵan odaqqa múshe memleketterdiń investitsiialyq tartymdylyǵyn arttyrý arqyly EAEO-ny jahandyq aýqymdaǵy tiimdi qurylymǵa ainaldyra alar edik. Bul baǵyttaǵy jumystar júieli túrde ilgerileýde. 2025 jylǵa qarai ortaq energetikalyq jáne qarjylyq naryq qalyptasady. Ásirese, tsifrlyq yqpaldastyq perspektivaly baǵyt bolmaq. Keide EAEO-da, tipti eń joǵary deńgeide, qyzý pikirtalastar bolady, biraq bul talqylaýlar odaqty neǵurlym tabysty, bedeldi, tartymdy etýge degen ortaq talpynysty bildiredi. Al oǵan nemquraidy qaraý – anyq degradatsiianyń belgisi»,— dedi Memleket basshysy.
