Resei syrtqy ister ministrligi Litva arqyly Kaliningradqa baratyn temirjol tranzitin dereý ashýdy talap etti. Ony Litva elshisin shaqyryp alyp aitqan, dep habarlaidy Azattyq.
Litvanyń tranzit temirjoldy japqanyn Resei syrtqy ister ministrligi halyqaralyq quqyqtyq mindettemelerine qaishy keletin "arandatýshylyq", "jaý áreket" dep sanaidy.
"Eger taiaý arada Reseidi Litva arqyly Kaliningrad oblysymen jalǵaityn júk tranziti tolyq qalpyna keltirilmese, onda ulttyq múddemizdi qorǵaý jónindegi áreket quqyǵyn paidalanamyz", — deidi Resei SIM.
Pýtinniń baspasóz hatshysy Dmitrii Peskov Litvanyń áreketin "buryn-sońdy bolmaǵan josyqsyz sheshim" dep atady.
"Bul sheshim, rasynda, bárine nuqsan keltiretin buryn-sońdy bolmaǵan josyqsyz sheshim. Eýropa odaǵynyń tranzitke salǵan sanktsiiasyna bailanysty ekenin túsinip otyrmyz. Ony da zańsyz dep esepteimiz", — dedi ol.
Keiinnen Litva syrtqy ister ministrligi Eýropa odaǵynyń sanktsiia rejimine enbegen jolaýshylar men taýarlardyń Kaliningrad obblysyna kirip-shyǵýyna kedergi joq ekenin habarlady.
"Litva bul tranzitke birjaqty, jeke nemese qosymsha shekteý engizgen joq. Litva Eýropa odaǵynyń sanktsiiasyn júzege asyrady", — deidi vedomstvo.
Litva 18 maýsymnan bastap Reseidiń negizgi aýmaǵynan Kaliningradqa ótetin temirjol júkteriniń tranzitin toqtatqan. Kómir, metall, tsement, aǵash, qurylys materialdary men joǵary tehnologiialy buiymdardy Litvadaǵy tranzit jolmen alyp ótýge tyiym salǵan. Munai ónimderine 10 tamyzǵa deiin ruqsat etilgen, odan keiin munai ónimderi de sanktsiiaǵa ilinýi múmkin.
Litva syrtqy ister ministrligi basshysynyń orynbasary Mantas Adomenas qazir Litvanyń Kalinigrad temirjol tranzitine bailanysty Eýropa odaǵynyń sheshimin kútip otyrǵanyn habarlady.
Kaliningrad oblysynyń gýbernatory Anton Alihanov Litva áreketin zańsyz dep atady. Onyń sózinshe, oblysqa temirjolmen keletin Resei júkteri 40-50 paiyzǵa azaiady. Gýbernator Lenigrad oblysyndaǵy Ýst-Lýga porty men Kaliningrad túbindegi Baltyq porty arasyndaǵy parom qatynasyn kúsheitýge shaqyrdy.
