Resei Keńes odaǵynyń syrtqy qaryzdaryn óteýdi aiaqtaý ústinde, sońǵy transh Bosniia jáne Gertsegovinaǵa jyl sońyna deiin tólenedi, dep jazdy «Izvestiia» gazeti reseilik Qarjy ministrligine silteme jasap.
Ministrlik ótken aptada KSRO-nyń 60,6 million dollar kólemindegi Makedoniia aldyndaǵy qaryzyn ótegenin habarlady jáne osy kúni onyń syrtqy qaryzy tek Bosniia men Gertsegovina aldynda qalyp otyrǵanyn atap ótti. Eki memleket te Iýgoslaviia taraǵannan keiin qurylǵan jáne burynǵy KSRO-dan qaryzyn talap etý quqyǵyn alǵan.
«Tehnikalyq turǵyda kelisim daiyn tur, memleketter ony parafirledi. Endi tek qol qoiý kerek, bul aldaǵy jaqyn ýaqyttyń máselesi», - dedi basylymǵa úkimettegi aqparat kózi.
Sonymen birge, Qarjy ministrliginiń baspasóz qyzmeti atalmysh boryshty óteý memleket qaryzyn retteý úshin 2017 jylǵy biýdjette qarastyrylǵan qarajat esebinen júzege asyrylatynyn rastady.
