Reseide keshe 6 198 adam koronavirýs indetin juqtyrǵany belgili boldy. Aal búkil el boiynsha olardyń sany 87 147-ge jetti, dep habarlaidy TASS agenttigi.
Osylaisha, Resei koronavirýs juqtyrǵan adamdar sany boiynsha Qytaidan ozyp ketti. Qytaida qazirgi kezde aýrý juqtyrýǵa qatysty 84,5 myń jaǵdai tirkelgen. Bul týraly Koronavirýs infektsiiasynyń taralýyna qarsy kúres jónindegi jedel shtabtyń dúisenbi kúni taratqan málimetinde aitylǵan.
«Reseidiń 85 óńirinde koronavirýs infektsiiasyn juqtyrýǵa qatysty 87 147 jaǵdai tirkeldi. Sońǵy táýlikte 579 adam aýrýhanadan shyǵaryldy, osy ýaqytqa deiin 7 346 adam jazyldy. Keshe koronavirýstan 50 adam qaitys boldy. Jalpy alǵanda, Reseide jańa virýstan 794 adam kóz jumdy», - delingen shtabtyń habarlamasynda.
Infektsiia juqtyrǵan adamdardyń 43,3 paiyzynda (2 693 adam) aýrýdyń esh belgisi bolmaǵan.
Shtabtyń málimetinshe, Reseide koronavirýs juqtyrǵan adamdar sanynyń bir táýlikte ósýi 7,66 paiyzǵa deiin azaiǵan.
