Resei qorǵanys ministrligi Ýkraina britan keńesshileriniń arandatýymen federatsiia aýmaǵyna shabýyldasa, "Kievtegi sheshim qabyldaý ortalyqtaryna" soqqy jasalady dep qorqytty. Bul týraly Azattyq jazady.
Munyń aldynda Ulybritaniia qorǵanys ministriniń orynbasary Djeims Hippi Ýkrainanyń batys qarýymen Reseidiń áskeri nysandaryn atqylaý múmkindigi "zańdy" dep málimdegen.
Djeims Hippidiń pikirinshe, shabýyl nysandaryn qarý óndirýshiler men ony jetkizýshiler emes, ýkraindardyń ózderi anyqtaidy.
Osy turǵydan alǵanda, Reseidiń Batys Ýkrainadaǵy áskeri nysandardy atqylaýy zańdy dep esepteledi. "Bul da soǵystyń bir bóligi", - dedi Hippi.
Resei qorǵanys ministrligi bul málimdemeni arandatý dep qabyldap, Kiev osyndai qadamǵa barsa, mundai soqqylardy ózi de jasaitynyn eskertti.
"Resei qarýly kúshteri Kievtegi osy tárizdes sheshim qabyldaý ortalyqtaryn atqylaýǵa jaraityn uzaq qashyqqa arnalǵan qarý qoldanýǵa daiyn", - dep jaýap berdi ministrlik. Resei mundai ortalyqtarda batys elderiniń keńesshileri jumys isteidi dep esepteidi.
Máskeý Kievtegi "sheshim qabyldaý ortalyqtaryn" atqylaýy múmkin ekenin buǵan deiin de eskertken. Mundai ortalyqtarda shetel keńesshileri bar-joǵy beimálim.
AQSh, Ulybritaniia, Polsha, Germaniia jáne basqa da elder Ýkrainaǵa qarý-jaraq jetkizip, onyń qorǵanys salasyna qajetti basqa da kómek berip otyr. Ýkraina prezidenti Vladimir Zelenskii mundai kómekti arttyra túsýin suraǵan.
