Himkidegi toǵyz qabatty úide jarylys bolyp, sonyń saldarynan órt shyqty. Nátijesinde úsh adam qaitys boldy, olardyń biri – bala. Taǵy tórteýi zardap shekti, dep habarlaidy "Ult aqparat" TASS agenttigine silteme jasap.
«Zelenaia kóshesi, 16 úi» mekenjaiynda ornalasqan úide órt shyqqany jaily habarlama tótenshe jaǵdailar ministrligine 19 naýryzda saǵat 10:24-te kelip túsken.
Aqparat kóziniń habarlaýynsha, ǵimaratta bes páter órtengen. Segizinshi jáne toǵyzynshy qabattar arasynda bólme aralyq qalqalar men jabyndar opyrylyp qulady.
Kýágerlerdiń aitýynsha, birneshe qabattaǵy balkondar qirap, kóptegen tereze synǵan. TJM málimetinshe, opyrylǵan jerdiń alańy 25 sharshy metrdi, órt alańy 12 sharshy metrdi qurady.
Tótenshe jaǵdailar qyzmeti bastapqyda «jarylys kezinde er adam qaitys boldy, áiel jaraqat aldy, eki bala úiindi astynda qaldy» dep habarlady. Keiinirek olardyń bireýi qutqaryldy, al ekinshisi óli tabyldy.
Derekkózdiń habarlaýynsha, turmystyq gaz jarylǵan. Qazir jarylystyń eki sebebi qarastyrylýda – gaz jabdyqtarynyń aqaýy jáne gazdyń aǵyp ketýi. Tótenshe jaǵdaidan keiin úidegi 30-dan astam páter gazdan ajyratyldy. Zardap shekken úidiń eki kireberisiniń turǵyndary evakýatsiialandy, olar ýaqytsha ornalastyrý pýnktine jetkizildi.
Tergeý komiteti úsh adamnyń ólimine qatysty qylmystyq is qozǵady. Máskeý oblysynyń gýbernatory Andrei Vorobev Himki qalalyq okrýginiń basshysy Dmitrii Voloshinge jarylys bolǵan úidiń turǵyndaryna barlyq qajetti kómek kórsetýdi tapsyrdy.
