Sankt-Peterbýrgtegi Kýnstkamerada uzaq ýaqyt saqtalǵan Keiki batyrdyń bassúiegi jaqyn kúnderi Qazaqstanǵa qaitarylady.
Qýanyshty habar QR Mádeniet jáne sport ministri Arystanbek Muhamediuly men Reseidiń Mádeniet ministri Vladimir Medinskiidiń Máskeý qalasyndaǵy kezdesýinde belgili boldy, - dep habarlaidy «Ult aqparat» «Habar 24» arnasyna silteme jasap.
Qazaqstandyq tarihshylar Peterbýrgtegi mýzeide Keiki batyrdan ózge, qazaqtyń taǵy jeti batyrynyń bassúiegi saqtalyp turǵanyn aitady. Olardy da elge qaitarý jospary qoiylyp otyr.
«Bul bassúiekterdiń qazaq halqy úshin, qazaq tarihy úshin asa mańyzdy ekenin eskere otyryp, olardyń endigi taǵdyry ne bolatynyn oilastyrýdy ǵalymdyrymyzǵa muqit tapsyrdyq», - deidi Reseidiń Mádeniet ministri.
Arystanbek Muhamediuly bassúiektiń aldaǵy eki apta ishinde Qazaqstanǵa qaitarylatynyn aitty. «Vengr ǵalymdarymen kelissózder júrgizdik. Olar bassúiektiń Keiki batyrǵa tiesili me ekendigin DNQ arqyly saraptap jatyr», - deidi QR Mádeniet jáne sport ministri.
Aita ketsek, Úkimet basshysy Kárim Másimov Keiki batyrdyń bassúiegin elge qaitarý týraly bastama kóterip, Resei Úkimetiniń basshysy Dmitrii Medvedevke usynys tastaǵan bolatyn.
Ult portaly
