Reseidiń Qorǵanys ministri Sergei Shoigý Qazaqstandaǵy Embi poligonyn jalǵa alý jáne paidalaný boiynsha kelisimdi toqtatý týraly qazaqstandyq-reseilik memleketaralyq Hattamaǵa qol qoidy, dep habarlaidy "Ult aqparat" egemen.kz-ke silteme jasap.
«Bul Hattama Reseidiń Qazaqstannan jalǵa alǵan poligondardyń jer ýchaskelerin ońtailandyrý boiynsha Qazaqstan men Resei prezidentteriniń kelisimin odan ári júzege asyrý maqsatynda daiarlanǵan. Bul baǵyttaǵy jumystardyń birinshi kezeńi Saryshaǵan poligony men Resei Federatsiiasynyń Qorǵanys ministrliginiń Memlekettik ushý-synaq ortalyǵynyń 929 áskeri alańdarynyń shekaralaryn naqtylaýmen bailanysty 2015 jyly qol qoiylǵan qujatpen bailanysty bolatyn»,-dep túsindirdi RF Qorǵanys ministrligi basshysynyń orynbasary Anatolii Antonov.
Hattamaǵa sáikes, 300 myńǵa jýyq gektar jer jalǵa alý aimaǵynan shyǵarylady. «Biz jer telimderin igerý baǵytyndaǵy qazaqstandyq áriptesterimizdiń múddelerin eskerýgt barynsha tyrystyq»,-dedi Antonov 20 qazan kúni qol qoiylǵan qujatqa qatysty máselelerdi sóz ete kele.
Qazaqstannyń halyq sharýashylyǵyna zamanǵa sai kommýnikatsiialardyń qurylystary men paidaly qazbalardy igerý sharalary júrgiziletin aimaqtar qaitarylady.
Buǵan qosa Resei federaldyq biýdjeti poligondy jaldaý úshin jyl saiyn jumsalatyn $0,718 mln únemdeidi. Poligondardy paidalaný men synaqtardy ótkizý boiynsha Resei tarapy Qazaqstannyń Qorǵanys ministrligimen ózara bailanystardy damyta bermek.
«Óitkeni bizdiń poligondarda synaqtan ótetin tehnikalar men qarý-jaraqtar tek Qazaqstan men Reseidiń ǵana igiligi úshin qyzmet etpeidi»-dedi RF Qorǵanys ministriniń orynbasary.
