Resei Qazaqstannyń memlekettik tildi latyn álipbiine kóshirýin qurmetpen qaraidy. Mundai pikirdi búgin elordada ótip jatqan QR Parlamenti Májilisi men RF Federaldy jinalysynyń Memlekettik dýmasy komitetteriniń kezdesýinde Reseidiń Qazaqstandaǵy Tótenshe jáne Ókiletti Elshisi Mihail Bocharnikov bildirdi, dep habarlaidy Ult.kz tilshisi QazAqparat agenttigine silteme jasap.
«Qazaqstan orys tili Konstitýtsiiaǵa sáikes resmi mártebesi bar memleketterdiń biri. Resei egemen Qazaqstannyń aldaǵy ýaqytta memlekettik tildi latynǵa kóshirý týraly sheshimin túsinistikpen jáne qurmetpen qaraidy», - dedi Resei Elshisi.
Osy rette Elshi «QR Prezidenti Nursultan Nazarbaevtyń jáne basqa da eldiń resmi tulǵalarynyń nyq málimdeýinshe, Qazaqstanda orys tiliniń pozitsiiasy saqtalyp otyrǵanyn» basa aitty. Buǵan qosa, Qazaqstannyń orta mektepterinde orys tilin oqytý jalǵasý ústinde ekendigin atap ótti.
«Óitkeni, respýblika basshylyǵy orys tilin el azamattarynyń erkin meńgerýin Qazaqstannyń mańyzdy mádeni basymdyǵy retinde qarastyrady. Qazirdiń ózinde Qazaqstannyń resmi istantsiiasynan orys tili muǵalimderiniń joǵary deńgeide qajet etiletindigi, olardyń sanyn arttyrýǵa qyzyǵýshylyq bar ekendigi, sonymen qatar reseilik joǵary oqý oryndarynyń jańa filialdarynyń ashylatyndyǵy týraly aqparatymyz bar. Resei taraby bul baǵytta óziniń kómegin berýge daiyn», - dedi Bocharnikov.
