Tájikstan ishki ister ministrligi Resei biligi "ekstremist" dep aiyptap, azamattyqtan aiyrǵan adamdy qylmystyq jaýapkershilikten bosatty, dep habaralidy Azattyq.
Mýnir Abdýlhamitov "Grýppa 24" uiymyna qatysyp, terrorist dep aiyptalǵan ózbekstandyqtarmen aralasqany úshin izdeýde bolǵan. Ony Resei biyl mamyrda tájik biliginiń suraýymen Tájikstanǵa ekstraditsiialaǵan. Birneshe kúnnen soń ol eshqaida ketpeý týraly qolhatpen bosap shyqty.
Mýnirdiń aitýynsha, onyń isin Tájikstan ishki ister ministrliginiń uiymdasqan qylmyspen kúres basqarmasynyń tergeýshileri bes ai boiy zerttep, kináli emestigin anyqtaǵan. Bilik ony ustaý jáne bosatý sebebin túsindirmedi. "Grýppy 24" uiymynyń ókilderi Mýnir Abdýlhamitov olarmen aralaspaǵanyn aitqan.
Mýnir Abdýlhamitov qazir Vahdatta turyp jatyr. Ol tájik biligi nege kúdiktengenin túsindirdi. Onyń aitýynsha, baýyry Reseide elde júrý merzimi ótip ketýine bailanysty ustalǵan. Mýnir baýyryna tamaq aparyp júrip, sonymen birge otyrǵan adammen telefonmen sóilesken. Ol kúdiktige terrorizm aiyby taǵylǵany keiin belgili bolǵan.
"Grýppa 24" uiymynyń ókili Muhammadsobir Abdýkahhor Mýnir esimdi tájik azamaty uiymǵa tirkelmegenin aitty.
Reseide bir millionǵa jýyq tájik azamaty jumys isteidi. Tájik azamattaryn túrli aiyptarmen ustap, Tájikstanǵa ekstraditsiialaý jii bolyp turady.
