تەجٸكستان ٸشكٸ ٸستەر مينيسترلٸگٸ رەسەي بيلٸگٸ "ەكسترەميست" دەپ ايىپتاپ, ازاماتتىقتان ايىرعان ادامدى قىلمىستىق جاۋاپكەرشٸلٸكتەن بوساتتى, دەپ حاباراليدى ازاتتىق.
مۋنير ابدۋلحاميتوۆ "گرۋپپا 24" ۇيىمىنا قاتىسىپ, تەرروريست دەپ ايىپتالعان ٶزبەكستاندىقتارمەن ارالاسقانى ٷشٸن ٸزدەۋدە بولعان. ونى رەسەي بيىل مامىردا تەجٸك بيلٸگٸنٸڭ سۇراۋىمەن تەجٸكستانعا ەكستراديتسييالاعان. بٸرنەشە كٷننەن سوڭ ول ەشقايدا كەتپەۋ تۋرالى قولحاتپەن بوساپ شىقتى.
مۋنيردٸڭ ايتۋىنشا, ونىڭ ٸسٸن تەجٸكستان ٸشكٸ ٸستەر مينيسترلٸگٸنٸڭ ۇيىمداسقان قىلمىسپەن كٷرەس باسقارماسىنىڭ تەرگەۋشٸلەرٸ بەس اي بويى زەرتتەپ, كٸنەلٸ ەمەستٸگٸن انىقتاعان. بيلٸك ونى ۇستاۋ جەنە بوساتۋ سەبەبٸن تٷسٸندٸرمەدٸ. "گرۋپپى 24" ۇيىمىنىڭ ٶكٸلدەرٸ مۋنير ابدۋلحاميتوۆ ولارمەن ارالاسپاعانىن ايتقان.
مۋنير ابدۋلحاميتوۆ قازٸر ۆاحداتتا تۇرىپ جاتىر. ول تەجٸك بيلٸگٸ نەگە كٷدٸكتەنگەنٸن تٷسٸندٸردٸ. ونىڭ ايتۋىنشا, باۋىرى رەسەيدە ەلدە جٷرۋ مەرزٸمٸ ٶتٸپ كەتۋٸنە بايلانىستى ۇستالعان. مۋنير باۋىرىنا تاماق اپارىپ جٷرٸپ, سونىمەن بٸرگە وتىرعان اداممەن تەلەفونمەن سٶيلەسكەن. ول كٷدٸكتٸگە تەرروريزم ايىبى تاعىلعانى كەيٸن بەلگٸلٸ بولعان.
"گرۋپپا 24" ۇيىمىنىڭ ٶكٸلٸ مۇحاممادسوبير ابدۋكاححور مۋنير ەسٸمدٸ تەجٸك ازاماتى ۇيىمعا تٸركەلمەگەنٸن ايتتى.
رەسەيدە بٸر ميلليونعا جۋىق تەجٸك ازاماتى جۇمىس ٸستەيدٸ. تەجٸك ازاماتتارىن تٷرلٸ ايىپتارمەن ۇستاپ, تەجٸكستانعا ەكستراديتسييالاۋ جيٸ بولىپ تۇرادى.
