25 mamyrda Resei memlekettik dýmasy áskeri qyzmetten ótý týraly alǵashqy kelisimshart jasaýǵa qoiylatyn jas shegine tyiymnyń kúshin joiatyn zań qabyldady, artynsha muny federaldyq keńes maquldady, dep habarlaidy Azattyq.
Bul ózgeris boiynsha, áskeri qyzmetke barý úshin kelisimshart jasaǵysy keletin Reseidiń eńbekke jaramdy adamdary men sheteldikter (Reseide er adamdarǵa 65 jas) jasyna shekteý qoiylmaidy. Buryn Reseidiń 40 jasqa deiingi, sheteldiń 30 jasqa deiingi azamattary ǵana kelisimshart jasai alatyn edi.
Zańnyń avtorlary - qorǵanys ministriniń burynǵy orynbasary jáne dýmanyń qorǵanys komitetiniń tóraǵasy, "Edinaia Rossiia" partiiasynyń depýtaty Andrei Kartapolov pen onyń birinshi orynbasary Andrei Krasov "jańa zań áskerge qajetti mamandar, medikter men injenerler tartýǵa múmkindik beredi" dep sanaidy. Zań túsiniktemesine olar "joǵary dáldikpen atatyn qarýlarǵa, qarý-jaraq pen áskeri tehnikany paidalanýǵa kásibi mamandar qajet. Ondai mamandar 40-45 jasta ekenin tájiribe kórsetip otyr" dep jazǵan.
Memlekettik dýma bul zańdy Resei áskerine mobilizatsiia jasaý týraly sóz shyǵa bastaǵanda qabyldap otyr. Mamyr aiynda Britaniia men AQSh barlaýy "Vladimir Pýtin Resei áskeriniń sátsizdigi men shyǵyndaryna bailanysty mobilizatsiia jasaýy múmkin" dep jazǵan edi. Kreml ony joqqa shyǵarǵan.
Reseide "áskeri qujatynyń málimetterin tekserý" degen jeleýmen er adamdardy áskeri komissariatqa shaqyra bastaǵan. Bul jóninde Azattyqtyń Orys redaktsiiasyna Nijnii Novgorod qalasynyń turǵyndary habarlaǵan.
VVS Resei Ýkrainaǵa basyp kirgennen keiin-aq "jasyryn mobilizatsiia bastady" dep jazdy. Áskeri komissariatqa kelip, "áskeri esep qujattaryn tekseristen ótkizý" týraly usynys Reseidiń barlyq óńirinde bolyp jatyr.
Mundai shaqyrýmen áskeri komissariatqa kelgenderdi áskerge óz erkimen barýǵa úgitteitini, alaida oǵan bári birdei kelispeitini baiqalǵan. Ýkraina Joǵarǵy Radasynyń Adam quqyǵy jónindegi ókil Liýdmila Denisovanyń málimetine qaraǵanda, Resei anneksiialaǵan Qyrymnyń er adamdaryn da "tekseris" úshin áskeri komissariatqa shaqyrǵan.
