Máskeýdegi Qazaqstan Elshiliginde koronavirýs infektsiiasymen kúresýde qazaqstandyq áriptesterine kómektesken reseilik dárigerlerge Qazaqstan Respýblikasynyń memlekettik nagradalary tabys etildi, dep habarlaidy QazAqparat.
Elshilikten málim etkendei, 2-dárejeli «Dostyq» ordenimen jáne «Shapaǵat» medalimen Máskeý jáne Máskeý oblysy aýrýhanalarynyń anesteziolog-reanimatologtary, infektsionistteri, pýlmonologtary, epidemiologtary, barlyǵy 28 adam marapattaldy.
«2020 jyldyń jazynda Qazaqstanda indettiń sharyqtaý sheginde olardyń der kezinde kómek kórsetýi epidemiologiialyq jaǵdaidy turaqtandyrýǵa úlken úles qosty», - delingen diplomatiialyq ókildik saitynda.
Dárigerler aldynda sóz sóilegen Qazaqstan Respýblikasynyń Resei Federatsiiasyndaǵy Elshisi Ermek Kósherbaev olardyń eń qajetti ári mańyzdy mamandyqtyń ókili ekenin atap ótti.
Sondai-aq ol Qazaqstanǵa testiler, reagentter, vaktsinalar jetkizý jáne birinshi kezekte meditsina brigadalaryn jiberý túrindegi osy qaýipti virýspen kúreste kórsetken kómegi úshin rizashylyǵyn bildirdi.
Óz kezeginde dárigerler Qazaqstan basshylyǵyna joǵary marapattary úshin alǵystaryn bildirdi.
Jýkovskii Qalalyq klinikalyq aýrýhanasynyń Anesteziologiia jáne reanimatsiia bóliminiń meńgerýshisi Stanislav Arsentev bul onyń alǵashqy halyqaralyq syilyǵy ekenin aitty. «Ol maǵan óte jaǵymdy kóńil-kúi beredi. Eńbegimdi baǵalaǵany úshin óte rizamyn. Qazaqstan men onyń halqyna alǵysym sheksiz. Baqytymyzǵa orai, sátti aiaqtalǵan sol oqiǵalardy búgin taǵy bir eske túsirdik», – dedi ol.
Sondai-aq, búgingi saltanatty sharada 2-dárejeli «Dostyq» ordenimen Resei ǵylym akademiiasynyń Resei tarihy institýtynyń jetekshi ǵylymi qyzmetkeri Dina Amanjolova marapattaldy. «Qazaqstan Respýblikasynyń Táýelsizdigine 30 jyl» medaldarymen MMLÝ rektory Irina Kraeva, UZTÝ MBjQI rektory Alevtina Chernikova, Resei halyq sharýashylyǵy jáne Memlekettik qyzmet akademiiasynyń joǵary korporativtik basqarý mektebi fakýltetiniń dekany Sergei Kalendjian, Resei Densaýlyq saqtaý ministrliginiń Halyqaralyq yntymaqtastyq jáne qoǵammen bailanys departamentiniń direktory Sergei Mýravev marapattaldy. Máskeýdegi qazaq diasporasynyń belsendilerine Qazaqstan Respýblikasynyń Resei Federatsiiasyndaǵy Elshisiniń Alǵys hattary tabys etildi.
