Qazaqstan Baiqońyr ǵarysh ailaǵyndaǵy "Zenit" zymyrandaryn ushyrýǵa arnalǵan infraqurylymdy Reseiden tolyqtai qabyldap aldy. Degenmen qujattardy rásimdeý áli aiaqtalǵan joq jáne memleketaralyq deńgeide maquldanýdy qajet etedi. Bul týraly QR Qorǵanys jáne aeroǵarysh ónerkásibi ministrliginiń komitet tóraǵasynyń mindetin atqarýshy Baýbek Oralmaǵambetov málimdedi, - dep habarlaidy Tengrinews.kz RIA Novosti agenttigine silteme jasap.
Munyń aldynda basylymynyń málimet kózi "Zenit" zymyran kesheni 1 maýsymǵa deiin ótkizilýi kerektigin aitqan. Degenmen bul istiń qujattyq jaǵy áli de 3-6 aidai ýaqytqa sozylýy múmkin. Keshendi Reseidiń jalǵa alýynan Qazaqstannyń paidalanýyna ótkizý týraly sheshim 2016 jyly qabyldanǵan bolatyn. Al ótkizý jumystary 2018 jyldyń 1 naýryzynda bastaldy. Jalpy Resei jalǵa alǵan № 45 alańyndaǵy máre kesheni eki iske qosý qurylǵysymen (is júzindegi jáne bireýi isten shyqqan), №42 alańdaǵy tehnikalyq keshen montajdy-synaqtan ótkizý korpýsymen birge jáne ólsheý pýnkti Qazaqstanǵa qaitarylýy tiis.
Qazirgi tańda Qazaqstan taraby 42, 43 jáne 45-alańdaǵy 212 nysandy qabyldap aldy. Osylaisha, Jalpy alǵanda Qazaqstan "Zenit-M" zymyran keshenindegi 243 jer betindegi ǵarysh infraqurylym nysanyn qabyldady.
Qazirgi tańda Resei Baiqońyr qalasy men ǵarysh ailaǵyn jalǵa alyp otyr. Jalǵa alynǵan jerdiń jalpy kólemi 6 717 sharshy shaqyrym.
