Reseidiń barlyq bankteriniń Visa jáne Mastercard halyqaralyq tólem júieleriniń kartalary RF-te jumys istei beredi. Osy kartalarǵa bailanǵan shottaǵy qarajat tolyq saqtalady. Bul týraly Resei Ortalyq banki málim etti, dep habarlaidy QazAqparat TASS agenttigine silteme jasap.
«Resei bankteri shyǵarǵan Visa jáne Mastercard halyqaralyq tólem júieleriniń búkil kartalary olardyń qoldaný merzimi aiaqtalǵanǵa deiin Resei aýmaǵynda qalypty rejimde jumys istei beredi. Olar boiynsha operatsiialar el ishinde Tólem kartalarynyń ulttyq júiesinde júzege asyrylady jáne olarǵa sanktsiia yqpal etpeidi. Osy kartalarǵa bailanǵan shottaǵy qarajat tolyq saqtalady jáne kez kelgen ýaqytta qoljetimdi», - dedi ortalyq bank.
Reseidegi osy karta ieleri bankomatta operatsiia júrgize alady, kartamen tólem jasai alady, kartadan kartaǵa aqsha jibere alady.
Ortalyq bank Visa jáne Mastercard kartalary boiynsha transshekaralyq operatsiialar qoljetimsiz ekenin eskertti.
