Qostanai oblysynda internette radikaldy jáne destrýktivti dini ideologiiany nasihattaǵan Resei azamaty anyqtaldy. "Ult aqparat" bul týraly oblystyq Politsiia departamentiniń baspasóz qyzmetine silteme jasap habarlaidy.
Politsiia departamentiniń Ekstremizmge qarsy is-qimyl basqarmasynyń qyzmetkerleri BAQ jáne áleýmettik jelilerge turaqty túrde monitoring júrgizedi.
«Kezekti sharalardyń birinde internette jáne «WhatsApp» messendjerinde 38 jastaǵy oblys turǵyny RF azamatynan dini mazmundaǵy materialdardy alǵany anyqtaldy. Derek biylǵy mamyr aiynda tirkeldi. Qostanai qalasynyń mamandandyrylǵan ákimshilik soty RF azamatyna QR ÁQBtK-niń 490-baby boiynsha 50 AEK (138 900 teńge) mólsherinde aiyppul saldy. Ol buǵan deiin, naýryz aiynda radikaldy-dini kózqarasy úshin sottalǵan. Aiyppul somasy 70 AEK (185 570 teńge) qurady», - delingen politsiianyń baspasóz habarlamasynda.
Jyl basynan beri oblysta 6 adam dini mazmundaǵy materialdardy saqtaǵany jáne taratqany úshin ákimshilik jaýapkershilikke tartylǵan.
Oblys prokýratýrasynyń ekstremizmge qarsy is-qimyl jónindegi basqarmasy qostanailyqtarǵa kúmándi saittar men paraqshalarǵa kirmeýge keńes beredi.
