Qazaqstannyń Reseidegi Mádeniet kúnderi aiasynda Máskeý jurtshylyǵyna, ataqty Tretiakov galereiasynda qazaq kinosynyń injý-marjandary kórsetiledi, dep habarlaidy Mádeniet jáne sport ministrliginiń baspasóz qyzmeti.
8 qyrkúiekte saǵat 16:00-de qonaqtardy «Qazaq handyǵy. Altyn taq» filminiń rejisseri Rústem Ábdirashev qarsy alady. Saltanatty ashylýdan soń kórermender arasynda tanymal bolǵan «Qazaq handyǵy. Altyn taq» filmi kinotýyndysyn baǵalaýshylardyń ótinishteri boiynsha Máskeý turǵyndary men qonaqtaryna qaita usynylady. Tarihi film saǵat 16:30-da bastalady.
Sol kúni saǵat 19:00-de Tretiakov galereiasy, Injenerlik korpýsynyń kinozalynda Rejisser Djeff Vespanyń «Ámire» filminiń premerasy ótedi.
«Illiýzion» kinoteatry kinomarafondy jalǵastyrady.
9 qyrkúiekte saǵat 17:00-de sonaý ótken ǵasyrda, 1954 jyly jaryqqa shyqqan «Mahabbat týraly poema» filminiń kórsetilimi bolady. Kartinanyń rejisserleri Sháken Aimanov pen Karl Gakkel.
Sháken Aimanovtyń «Aldarkóse» filminiń kórsetilimi 10 qyrkúiekte saǵat 17:30-da bastalady.
Kinomarofondy 11 qyrkúiek kúni saǵat 19:00-de rejisser Andrei Shalop pen Kim Drýjininniń «28 panfilovshy» kartinasy qorytyndylaidy.
Barlyq kórsetilimderge kirý tegin.
