قازاقستاننىڭ رەسەيدەگٸ مەدەنيەت كٷندەرٸ اياسىندا مەسكەۋ جۇرتشىلىعىنا, اتاقتى ترەتياكوۆ گالەرەياسىندا قازاق كينوسىنىڭ ٸنجۋ-مارجاندارى كٶرسەتٸلەدٸ, دەپ حابارلايدى مەدەنيەت جەنە سپورت مينيسترلٸگٸنٸڭ باسپاسٶز قىزمەتٸ.
8 قىركٷيەكتە ساعات 16:00-دە قوناقتاردى «قازاق حاندىعى. التىن تاق» فيلمٸنٸڭ رەجيسسەرٸ رٷستەم ەبدٸراشەۆ قارسى الادى. سالتاناتتى اشىلۋدان سوڭ كٶرەرمەندەر اراسىندا تانىمال بولعان «قازاق حاندىعى. التىن تاق» فيلمٸ كينوتۋىندىسىن باعالاۋشىلاردىڭ ٶتٸنٸشتەرٸ بويىنشا مەسكەۋ تۇرعىندارى مەن قوناقتارىنا قايتا ۇسىنىلادى. تاريحي فيلم ساعات 16:30-دا باستالادى.
سول كٷنٸ ساعات 19:00-دە ترەتياكوۆ گالەرەياسى, ينجەنەرلٸك كورپۋسىنىڭ كينوزالىندا رەجيسسەر دجەفف ۆەسپانىڭ «ەمٸرە» فيلمٸنٸڭ پرەمەراسى ٶتەدٸ.
«يلليۋزيون» كينوتەاترى كينومارافوندى جالعاستىرادى.
9 قىركٷيەكتە ساعات 17:00-دە سوناۋ ٶتكەن عاسىردا, 1954 جىلى جارىققا شىققان «ماحاببات تۋرالى پوەما» فيلمٸنٸڭ كٶرسەتٸلٸمٸ بولادى. كارتينانىڭ رەجيسسەرلەرٸ شەكەن ايمانوۆ پەن كارل گاككەل.
شەكەن ايمانوۆتىڭ «الداركٶسە» فيلمٸنٸڭ كٶرسەتٸلٸمٸ 10 قىركٷيەكتە ساعات 17:30-دا باستالادى.
كينوماروفوندى 11 قىركٷيەك كٷنٸ ساعات 19:00-دە رەجيسسەر اندرەي شالوپ پەن كيم درۋجينيننٸڭ «28 پانفيلوۆشى» كارتيناسى قورىتىندىلايدى.
بارلىق كٶرسەتٸلٸمدەرگە كٸرۋ تەگٸن.
