Ýkrainanyń Harkov oblysy Borovskii aýdany Kopanki aýyly mańynda 20-ǵa jýyq adam jerlengen zirat tabyldy. Jergilikti turǵyndardyń aitýynsha, muny jýyrda ǵana osy aýmaqtan ketken Resei áskeri jasaǵan. Bul jóninde Ýkraina ulttyq politsiiasy habarlady.
Ziratta keminde 17 adam jerlengen bolýy múmkin. Kopanki aýyly turǵyndarynyń aitýynsha, orys áskeri 13 sáýirde eki júk kóligimen máiitterdi ákelip, ekskavatormen jer qazyp, sol jerge tastaǵan. Soldattar jerlengen oryndy orys kúshteri tankimen jaimalap, eshqandai belgi qaldyrmaǵan. Ózgelerge de belgi qaldyrýǵa tyiym salǵan.
Qyrkúiekte ýkrain armiiasy kontrshabýyl kezinde Harkov oblysynyń Iziým qalasy men taǵy 300 eldi mekendi orys áskerinen azat etken. Resei áskeri aimaqtyń soltústik aýdandarynan ketken. Izinshe Iziýmnan 436 adam jerlengen zirat tabyldy. Ýkraina biligi olarǵa eksgýmatsiia jasap, kóbiniń kúshpen óltirilgenin, otyzynyń azaptalǵanyn málimdedi.
