Harkov qalasynyń Resei áskeri kolonnasy joiylǵan ainalma joly. 24 aqpan 2022 jyl
Resei áskeri Ýkrainanyń ekinshi iri qalasy Harkovke kirdi, qala mańy men qala ishinde keskilesken urys júrip jatyr.
Harkov ákimshiliginiń basshysy Oleg Sinegýbov Reseidiń Ýkrainaǵa shabýylynyń tórtinshi kúni jeńil áskeri tehnika qalaǵa basyp kirgenin málimdedi, dep habarlaidy Azattyq.
Bul aqparatty Ýkraina ishki ister ministriniń orynbasary Anton Gerashenko da rastap, birneshe jeńil urys tehnikasy Harkov kóshesinde ketip bara jatqanyn Telegram arnasynda kórsetti.
Oleg Sinegýbov qala turǵyndary úide otyrýǵa shaqyrdy.
"Harkovke jaýdyń jeńil tehnikasy kirdi. Qala ortalyǵynda da júr. Nazar aýdaryńyzdar! Syrtqa shyqpańyzdar! Ýkraina qarýly kúshteri jaýdy joiady", – dep jazdy ol.
Ýkraina astanasynyń turǵyndary 27 qańtar kúni tańerteń jarylys bolyp jatqanyn habarlady. Jarylys Kievtiń ońtústik-shyǵys bóliginde bolǵan – Resei Kievtiń ońtústigindegi Vasilkov qalasyndaǵy munai bazasyna soqqy bergen.
"Jaý bárin joiǵysy keledi", - dedi Vasilkov qalasynyń basshysy Natalia Balasinovich.
Harkov túbinde qaqtyǵys bolyp jatqan kezde Ýkraina prezidentiniń ofisi Resei áskeri qaladaǵy gaz qubyryn jarǵanyn málimdedi. Úkimet tútinnen qorǵaný úshin terezege ylǵal mata nemese dáke tutý qajettigin eskertti.
Zelenskii ofisi Jýliany áýejaiynda taǵy da jarylys bolǵanyn habarlady. Ýkraina áskeri Kiev qorǵanysyn ustap turǵanyn, Reseidiń qalaǵa kirip ketken "diversiialyq toptaryn" joiǵanyn habarlady.
"Elimizdi azat etkenshe soǵysamyz", - Zelenskii video málimdemesinde.
Eýropa odaǵy, Frantsiia, Germaniia, Italiia, Ulybritaniia, Kanada jáne AQSh jetekshileri Reseidiń kei bankterin SWIFT júiesinen ajyratýǵa jáne Resei Ortalyq bankin shekteýge ýaǵdalasqan.
26 aqpanda Ýkraina densaýlyq saqtaý ministri Viktor Liashko Resei shabýylynyń saldarynan 198 adam ólip, myńnan astam adam jaralanǵanan habarlaǵan. Resei soǵys qurbandaryn jariialaǵan joq.
26 aqpanda BUU bosqyndar isi boiynsha agenttigi Ýkrainanyń 120 myńnan astam azamaty shetelge ketkenin habarlady. Negizinen áielder men balalardan turatyn bosqyndar Polsha, Rýmyniia, Moldova jáne Vengriiaǵa ketken. Áskerge jaramdy er adamdardy Ýkrainadan shyǵarmaidy.
