© Reuters
Resei áskeri "Azovstal" zaýytyna shabýyldy bastady. Bul týraly "Ýkrainskaia pravda"basylymyna "Azov" polki komandiriniń orynbasary Sviatoslav Palamar málimdedi, - dep habarlaidy Tengrinews.kz.
"Túni boiy áýe bombalarymen atqylady, eki beibit áiel qaza tapty, qazir "Azovstal" zaýytyna shabýyldap jatyr", - dedi Palamar 3 mamyrda.
Onyń aitýynsha, reseilik áskeriler zaýyt aýmaǵyna basyp kirýge árekettenip jatyr.
"Prezidentke Mariýpoldegi jaǵdai týraly habarlanyp otyrǵanyn bilemiz jáne ol bárinen habardar. Sondyqtan, odan shuǵyl sharalar kútemiz, óitkeni jaǵdai óte qiyn", - dedi ýkrainalyq jaýyngerler basylymǵa.
Resei Qorǵanys ministrligi zaýyt aimaǵynda urys qaita bastalǵanyn rastady. Vedomstvonyń baspasóz qyzmeti ókili Vadim Astafev "Azov" jaýyngerleri men ýkrain áskeri atys pozitsiialaryna kirý úshin "Azovstaldaǵy" tynyshtyq rejimin paidalanǵanyn málimdedi.
"Olar jertólelerden shyǵyp, zaýyt aýmaǵynda jáne ǵimarattarda atys pozitsiialaryna turdy. Qazir Resei armiiasy men DHR bólimsheleri artilleriia men aviatsiiany paidalana otyryp, bul atys pozitsiialaryn joiýǵa kiristi", - dedi Qorǵanys ministrligi ókili RIA Novostige.
Bul ýaqytta "Azov" jaýyngerleriniń týystary Kievtiń ortalyǵynda sherý ótkizip, halyqaralyq qaýymdastyq pen álemdik kóshbasshylardy otbasylaryn "Azovstal" aýmaǵynan shyǵarýdy qamtamasyz etýge shaqyrdy. Buryn "Azov batalony" degen atpen belgili bolǵan "Azov" arnaiy kúshteri otriadyn Máskeý natsistik element dep sanaidy.
Mariýpol meriniń keńesshisi Petr Andriýshenko Telegram-arnasynda "Azovstalǵa" jasalǵan shabýyl týraly aqparatty rastap, shabýyldyń videosyn kórsetti.
Zaýyt basshylyǵy "Azovstal" aýmaǵyndaǵy bes bomba qoimasy iadrolyq oqtumsyq soqqysyna tótep bere alady dep sendirdi.
