Japoniia premer-ministri Fýmio Kisida Reseidiń Ýkrainadaǵy áreketi jańa álemdik tártipti qalyptastyrý qajet ekenin kórsetkenin málimdedi, - dep habarlaidy Tengrinews.kz tilshisi The Mainichi basylymyna silteme jasap.
Japon úkimeti basshysynyń aitýynsha, munyń qajettiligi BUU Qaýipsizdik keńesiniń turaqty múshesi sanalatyn "Reseidiń agressiv áreketterinen" týyndap otyr.
"Halyqaralyq qoǵamdastyqta beibitshilik pen turaqtylyqty saqtaýda orasan zor jaýapkershilik júktelgen BUU Qaýipsizdik keńesiniń turaqty múshesi Reseidiń agressiv áreketteri jańa álemdik tártipti qurý qajettiligin kórsetedi", - dedi premer-ministr.
Saiasatker Japoniia BUU-nyń osy organyn reformalaýdy, atap aitqanda, veto quqyǵy ielerin qaita qaraýdy burynnan qoldaǵanyn eske saldy.
"Qaýipsizdik keńesin reformalaý, onyń ishinde veto quqyǵy máselesi ońai másele emes, biraq osy másele boiynsha talqylaýdy jalǵastyrý úshin basqa eldermen yntymaqtastyqty jalǵastyrǵymyz keledi", - dedi Kisida.
Buǵan deiin Japoniia Ýkrainadaǵy jaǵdaiǵa bailanysty Reseige qarsy sanktsiialar salatynyn habarlaǵan bolatyn. Bilik áskeri ónerkásippen bailanysty reseilik uiymdarǵa jartylai ótkizgishterdi eksporttaýǵa shekteýler qoiady. Sondai-aq, reseilikterdiń qarjysy buǵattalyp, viza berýge tyiym salynady. Buǵan qosa, Japoniia Belarýs úkimetiniń joǵary laýazymdy sheneýnikterine qarsy sanktsiialar salý múmkindigin qarastyryp jatyr.
