Resei 36 el úshin óz áýe keńistigin japty. Bul - reseilik ushaqtarǵa engizilgen sanktsiialarǵa jaýap retindegi shara, dep habarlaidy QazAqparat TASS-qa silteme jasap.
Buǵan deiin aviabailanys Ulybritaniia, Bolgariia, Latviia, Litva, Moldaviia, Rýmyniia, Estoniia, Sloveniia, Chehiia jáne Polshamen toqtatylǵan bolatyn. Endi tizimge taǵy 27 engizildi. Olardyń ishinde Germaniia, Ispaniia, Italiia jáne Frantsiia bar.
«Halyqaralyq quqyq normalaryna sáikes eýropalyq memleketterdiń reseilik aviatasymaldaýshylar paidalanatyn jáne/nemese Reseide tirkelgen azamattyq áýe kemeleriniń ushýyna salynǵan tyiymǵa jaýap retinde 36 memlekettiń aviatasymaldaýshylarynyń ushýyna shekteý engizildi. Atalǵan elderge Rosaviatsiia nemese Resei SIM bergen arnaiy ruqsat bergen kezde ushýǵa bolady», - delingen Rosaviatsiia habarlamasynda.
Sondai-aq, bul tizimge Aýstriia, Albaniia, Angliia, Belgiia, Britan Virgin araldary, Vengriia, Gibraltar, Grekiia, Daniia, Grenlandiia, Farer araldary, Djersi, Irlandiia, Islandiia, Ispaniia, Kanada, Kipr, Liýksembýrg, Malta, Niderlandy, Norvegiia, Portýgaliia, Finliandiia, Horvatiia jáne Shvetsiia kirgen.
