Resei elge kelýge tyiym salynǵan 158 myń ózbek azamatyna "kóshi-qon amnistiiasyn" jariialady. Endi bul azamattar Reseige kire alady. Bul jóninde Ózbekstannyń Máskeýdegi elshiligi habarlady, dep jazady Azattyq.
Buǵan qosa, Reseige jumys isteýge barǵysy kelgen Ózbekstannyń 10 myń azamaty eńbek etý patentin óz elinen ketpei turyp ta rásimdei alady.
Reseiden Ózbekstanǵa sot sheshimimen deportatsiialanǵan azamattarǵa raqymshylyq júrmeidi.
Osynyń aldynda Resei biligi shetel jumys kúshi jetispeitinin málimdegen. Bir ǵana Máskeý qalasyna 200 myń eńbek migranty kerek. Astana meri Sergei Sobianin eńbek migranttarynyń Reseiden ketýi eldegi infliatsiiaǵa sebep boldy dep esepteidi.
Reseidegi migranttar federatsiiasynyń prezidenti Vadim Kojenov Resei Ózbekstannyń 150 myń azamatyna, Tájikstannyń 150 myń azamatyna raqymshylyq bergenin habarlady. Raqymshylyq Reseiden IIM sheshimimen shyǵarylǵandarǵa ǵana júredi, deidi Kojenov.
