رەسەي ەلگە كەلۋگە تىيىم سالىنعان 158 مىڭ ٶزبەك ازاماتىنا "كٶشٸ-قون امنيستيياسىن" جارييالادى. ەندٸ بۇل ازاماتتار رەسەيگە كٸرە الادى. بۇل جٶنٸندە ٶزبەكستاننىڭ مەسكەۋدەگٸ ەلشٸلٸگٸ حابارلادى, دەپ جازادى ازاتتىق.
بۇعان قوسا, رەسەيگە جۇمىس ٸستەۋگە بارعىسى كەلگەن ٶزبەكستاننىڭ 10 مىڭ ازاماتى ەڭبەك ەتۋ پاتەنتٸن ٶز ەلٸنەن كەتپەي تۇرىپ تا رەسٸمدەي الادى.
رەسەيدەن ٶزبەكستانعا سوت شەشٸمٸمەن دەپورتاتسييالانعان ازاماتتارعا راقىمشىلىق جٷرمەيدٸ.
وسىنىڭ الدىندا رەسەي بيلٸگٸ شەتەل جۇمىس كٷشٸ جەتٸسپەيتٸنٸن مەلٸمدەگەن. بٸر عانا مەسكەۋ قالاسىنا 200 مىڭ ەڭبەك ميگرانتى كەرەك. استانا مەرٸ سەرگەي سوبيانين ەڭبەك ميگرانتتارىنىڭ رەسەيدەن كەتۋٸ ەلدەگٸ ينفلياتسيياعا سەبەپ بولدى دەپ ەسەپتەيدٸ.
رەسەيدەگٸ ميگرانتتار فەدەراتسيياسىنىڭ پرەزيدەنتٸ ۆاديم كوجەنوۆ رەسەي ٶزبەكستاننىڭ 150 مىڭ ازاماتىنا, تەجٸكستاننىڭ 150 مىڭ ازاماتىنا راقىمشىلىق بەرگەنٸن حابارلادى. راقىمشىلىق رەسەيدەن ٸٸم شەشٸمٸمەن شىعارىلعاندارعا عانا جٷرەدٸ, دەيدٸ كوجەنوۆ.
