Reseidiń Daǵystan, Adygeia jáne Stavropol ólkesindegi Ozon marketpleisiniń qoimalary dron shabýylynan zardap shekti, dep habarlaidy ult.kz.
Daǵystanda Kýmtorkala aýdanynda dron synyqtarynyń qulaýynan qoima infraqurylymynyń bir nysany zaqymdanyp, ǵimarattarda órt shyqqan. Ozon kompaniiasy qoimaǵa ýkrain drondary shabýyl jasaǵanyn habarlady. Aldyn ala málimet boiynsha, birneshe adam zardap shekken. Qoimanyń jumysy toqtatyldy.
Adygeiada Tahtamýkai aýdanyndaǵy Ozon logistikalyq ortalyǵynyń aýmaǵynda da órt shyqqan. Ony sóndirýge Tótenshe jaǵdailar ministrliginiń kúshteri jumyldyryldy.
Al Stavropol ólkesiniń Nevinnomyssk qalasynda dron shabýyly qaýpine bailanysty Ozon qoimasy aldyn ala evakýatsiialanǵan.
Stavropol ólkesiniń biligi Nevinnomysskidegi oqiǵaǵa ázirge túsinikteme bergen joq.
