Reseidiń Abinsk qalasynda kámeletke tolmaǵan qyzǵa qatysty qozǵalǵan qylmystyq is boiynsha onyń týǵan ákesi men 16 jastaǵy aǵasy qamaýǵa alyndy, dep habarlaidy ult.kz.
Aldyn ala málimet boiynsha, jasóspirim ózine qatysty zańsyz áreketter bolǵanyn aityp, bul týraly qurbysyna jetkizgen. Osydan keiin oqiǵa quqyq qorǵaý organdarynyń nazaryna ilikken.
Basylymnyń jazýynsha, kúdiktiler ýaqytsha ustaý izoliatoryna qamalǵan. Tergeý barysynda olardyń alǵashqy jaýaptary alynǵan.
Sonymen qatar, qyzdyń anasy taǵylǵan kúdiktermen kelispeitinin málimdegen. Onyń aitýynsha, otbasy múshelerine tergeý barysynda qysym kórsetilgen, al qyzynyń aitqandary shyndyqqa sáikes kelmeidi.
Sondai-aq jergilikti BAQ qazirgi ýaqytta jasóspirimniń alǵashqy jaýabyn ózgertýge yqpal etý áreketteri bolýy múmkin ekenin jazdy. Alaida bul aqparat resmi túrde rastalǵan joq.
Qazir atalǵan is boiynsha tergeý jalǵasyp jatyr. Tergeý nátijesi men sot sheshimi shyqqanǵa deiin kúdiktilerdiń kinási zań júzinde dáleldenbegen bolyp esepteledi.
