Ulttyq ýniversitet rektorlaryn konkýrstyq negizde irikteý - der kezinde ári durys jasalyp otyrǵan shara. Bul týraly Ortalyq kommýnikatsiialar qyzmetindegi baspasóz máslihatynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat tilshisi.
«Osy búgingi baspasóz máslihatyna kele jatqan jolda áleýmettik jelilerdi sholyp shyqtym. Bul rette atalǵan bastamaǵa qoǵam reaktsiiasy óte pozitivti ekenin baiqadym. Jazylǵan pikirlerdiń basym bóliginde turǵyndardyń, ustazdar men JOO basshylyǵynyń ustanymy pozitivti. Jalpy, konkýrstyq irikteý sheshimdi qabyldaýdyń ashyqtyǵyn, básekelestikti qamtidy. Sondyqtan Memleket basshysynyń tapsyrmasyna sáikes, biz tiisti qujattardy daiyndaimyz», - dedi Bilim jáne ǵylym ministri.
Aita keteiik, Prezident Qasym-Jomart Toqaev Bilim jáne ǵylym ministri Ashat Aimaǵambetovty qabyldady.
«QR Bilim jáne ǵylym ministri Ashat Aimaǵambetovke ulttyq ýniversitetterdiń rektorlaryn konkýrstyq negizde Úkimet qaýlysymen taǵaiyndaý jóninde normativtik qujattar ázirleýdi tapsyrdym. Qazirgi rektorlardy Prezident jarlyǵymen taǵaiyndaý protsedýrasy kúshin joiady», - dep jazdy Memleket basshysy.
