«Refleks-2021» operatsiiasy barysynda sintetikalyq esirtkiniń zańsyz ainalymyna qatysty 303 esirtki qylmysy anyqtaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat tilshisi.
«4 qazan men 30 qarasha aralyǵynda ishki ister organdary jańa psihobelsendi zattardyń taralýyna qarsy áreket etýge baǵyttalǵan «Refleks-2021« arnaiy óńirlik operatsiia ótkizdi. Respýblika boiynsha arnaiy is-shara kezinde sintetikalyq esirtkiniń zańsyz ainalymyna bailanysty 303 esirtki qylmysy anyqtaldy»,- dedi Nurdildá Oraz IIM baspasóz alańynda ótken brifing barysynda.
Resmi ókildiń dereginshe, onyń ishinde 83 ótkizý faktisi, asa iri kólemde saqtaýdyń 32 faktisi, esirtkini nasihattaýdyń 25 faktisi, pritondy uiymdastyrýdyń 3 faktisi jáne kontrabandanyń 1 faktisi anyqtaldy.
«Almaty jáne Atyraý oblystarynda eki esirtki zerthanasy joiyldy, onda 3,5 keliden astam paidalanýǵa daiyn esirtki tárkilendi. Arnaiy operatsiia kezinde zańsyz ainalymnan barlyǵy 14,5 keli sintetikalyq esirtki tárkilendi», - dedi ol.
