Nursultan Nazarbaev Memleket basshysy Qasym-Jomart Toqaevtyń elde reforma júrgizý jáne odan ári damytý jónindegi is-qimylyn qoldaýǵa daiyn. Bul týraly Qazaqstannyń Tuńǵysh Prezidenti belgili saiasattanýshy Daniiar Áshimbaevqa bergen suhbatynda aitty, - dep habarlaidy Tengrinews.kz agenttigi.
Suhbat barysynda Nazarbaev Konstitýtsiiaǵa túzetýler engizý boiynsha búkilhalyqtyq referendýmǵa baratynyn aitty. Sonymen qatar, Áshimbaev túzetýler arasynda Qazaqstannyń Tuńǵysh Prezidentiniń mártebesine qatysty ózgerister de bar ekenin atap ótti.
"Iá, 5 maýsymda Konstitýtsiia bergen quqyǵymdy mindetti túrde qoldanyp, referendýmda daýys berýge qatysamyn. Men elimizdiń Negizgi Zańy - qatyp qalǵan quqyqtyq relikt emes, qazaqstandyq qoǵamnyń ómirin, ondaǵy bolyp jatqan ózgeristerdi kórsetetin tiri tetik ekenin únemi aityp kelemin. Ózgerister buryn da engizilgen.
Bul ýaqyt talaby bolsa jáne qoǵamnyń ilgerileýine, demokratiialyq damýyna yqpal etse, ár urpaqtyń negizgi zańǵa ózgerister engizýge quqyǵy bar dep sanaimyn. Meni de barlyq ózgeristiń memleket pen bizdiń halqymyzdyń múddesi úshin bolǵany alańdatady", - dedi Nazarbaev.
