Konstitýtsiiaǵa engiziletin túzetýler boiynsha respýblikalyq referendýmda 8 millionǵa jýyq qazaqstandyq daýys berdi. Bul týraly Ortalyq sailaý komissiiasynyń hatshysy Muhtar Erman málimdedi, - dep habarlaidy Tengrinews.kz.
20.00-degi aldyn ala derekter boiynsha, biýlletendi 7 million 936 myń 655 qazaqstandyq alǵan, al referendýmǵa daýys berýshilerdiń qatysý kórsetkishi 67,65 paiyz bolǵan.
Nur-Sultan ýaqytymen 20.00-de 12 óńirde daýys berý aiaqtaldy.
Aita keteiik, buǵan deiin syrtqy ister ministriniń orynbasary Roman Vasilenko shetelde daýys berýshiler tizimine 11 350 qazaqstandyq engizilgenin aitqan bolatyn. Nur-Sultan ýaqytymen 19.00-degi jaǵdai boiynsha, shetelde 5 100-ge jýyq adam daýys bergen edi.
Al Nur-Sultan ýaqytymen saǵat 18.00-degi málimet boiynsha, Qazaqstandaǵy referendýmǵa daýys berýshilerdiń qatysý kórsetkishi 65,04 paiyz bolǵan edi. Bul týraly Ortalyq sailaý komissiiasynyń múshesi Shavkat Ótemisov málimdegen bolatyn.
