Qazaqstandyqtar áleýmettik jelilerde jaqynda ázirlengen test júiesi reanimatsiiadaǵy patsientterdiń 80% KVI qarsy egilgender ekenin anyqtaýǵa múmkindik bergeni týraly aqparat taratýda. Shyndyǵynda, bul múldem olai emes, dep habarlaidy StopFake.kz saity.
Qaznet paidalanýshylary Reseide adamnyń egilgenin nemese vaktsinatsiia týraly kýálikti zańsyz jolmen alǵanyn anyqtaýǵa múmkindik beretin test ázirlengeni týraly jańalyqtan keiin osyndai qorytyndy jasady. Bul taldaý naýqastyń aǵzasynda, virýstyq vektory «Spýtnik-V» vaktsinasynyń jáne «Spýtnik Light» preparatynyń alǵashqy komponentin jasaý úshin qoldanylǵan Ad26 adenovirýsyna antidenelerdiń bolýyn anyqtaýǵa negizdelgen.
«Bizdiń vaktsinamen sátti egilýdiń belgisi – vektor qabyǵyna, 26-shy adenoǵa antidenelerdiń qalyptasýy bolyp tabylady. «Spýtnik V» birinshi komponenti 26-shy adeno negizinde jasalǵan. Ol adamdarda óte sirek kezdesedi, bul bir paiyzdyń onnan bir bóligi. Sondyqtan 26-shy adenoǵa antidenelerdiń bolýy adamdardyń vaktsinatsiialanǵanyn bildiredi. Biraq adam reanimatsiiaǵa túsip, egildim dep aitsa, biraq 26-shy adeno qabyǵyna antideneler bolmasa, onda onyń sertifikaty jalǵan bolýy múmkin», – dep túsindirdi Ulttyq epidemiologiia jáne mikrobiologiia ǵylymi ortalyǵynyń jetekshisi F. Gamalei Aleksandr Gintsbýrg «Vedomosti» basylymyna.
Mundai test Reseide reanimatsiiada jatqan patsientterge qoldanyla bastady. Nátijesinde vaktsinatsiia sertifikaty bar jaǵdaiy aýyr naýqastardyń 80%-y ony zańsyz satyp alǵany jáne is júzinde vaktsinatsiialanbaǵany belgili boldy.
Bul KVI-diń aýyr túrimen aýyrǵan adamdardyń kópshiligi egilmegenin dáleldeidi. Osyndai úrdis basqa elderde de baiqalady. Klivlend klinikasynyń sońǵy aqparatyna sáikes, biyl tamyz aiynda aýrýhanaǵa jatqyzylǵan barlyq KVI juqtyrǵandardyń 90%-y vaktsina almaǵan.
Aǵymdaǵy jyldyń shilde aiynda NPR basylymynyń podkastynda AQSh-ta COVID-19 saldarynan aýrýhanaǵa jatqyzylǵandardyń 97%-yn ekpe saldyrmaǵandar quraityny habarlandy.
Sonymen qatar, AQSh aýrýlardy baqylaý jáne aldyn alý ortalyǵy jaqynda júrgizgen zertteýge sáikes, vaktsinatsiialanbaǵan adamdar arasynda COVID-19 qaitys bolý qaýpi 11 ese joǵary.
Demek, reanimatsiiadaǵy patsientterdiń 80%-y KVI-ge qarsy vaktsinatsiialanǵandar degen pikirler jalǵan.
